Районыбызның “Тойма” ширкәте ифтар ашлары уздырды

“Тойма” ширкәте Чуллыда - 122, Туембашта 126 кеше җыеп, ифтар ашлары үткәрде. Туембашның яшь имамы Илмир Сәетов вәгазь, Коръән аятьләре укыды. Әлеге изге эшне оештырган җитәкчеләргә – республикабызның авыл хуҗалыгы һәм азык-төлек министры урынбасары Илдус Габдрахмановка, “Тойма” ширкәте рәисе Рәҗәп Хәнәфиевка, Туембаш авыл җирлеге башлыгы Илфат Гариповка, аш-су әзерләгән хатын-кызларга, мәҗлесне үткәрүгә өлеш керткән авыл халкына зур рәхмәтебезне белдерәбез, дип хәбәр итте Туембаш җирлегенең ветераннар советы рәисе Галия Гыйниятуллина.