Зур Кукмарада Алмаз Гаязов истәлегенә футбол турниры үтте

Әлеге ярыш быел җиденче тапкыр оештырылды. Анда 15 яшь һәм аннан зуррак булган яшь категориясендә 14 команда көч сынашты. Турнир нәтиҗәләре буенча беренчелеккә “Строй-Гарант” командасы чыкты. Икенче-өченче урыннарны Зур Кукмараның “БК-2000”һәм “БК-2” командалары алды. Моннан тыш, турнирның “Иң яхшы капкачысы” дип Илнар Исрафилов (“Строй-Гарант”), “Иң яхшы яклаучы” дип Илдус Фәтхуллин (“БК-2”), “Иң яхшы хөҗүмче” дип Әнвәр Рәхмәтуллин (“БК-2000”) танылды.