“Шәфкать”тә балалар арасында шашка ярышы узды

“Шәфкать” тернәкләндерү үзәгендә мөмкинлекләре чикләнгән балалар өчен һәрдаим төрле чаралар уздырыла. Шашка ярышында да 10 инвалид бала катнашты, дип хәбәр итте тәрбияче И.Хәмидуллина. Яшүсмерләр арасында беренче урынны Кукмара районыннан Никита Андреев алды. Икенче урында – Саба районыннан Данил Шамилов, Балтач районыннан Райнур Заһидуллиннар, өченче урында – Саба районыннан Рим Усманов.