“Табигать - тиңсез хәзинә” - экскурсия

19 август көнне Аш-Буҗи авылы китапханәчесе  Алсу Ярмиева төрле яшьтәге балалар өчен  “Табигать - тиңсез хәзинә” исеме астында  экскурсия оештырды. Сәяхәт барышында балаларга янгын куркынычлыгы кагыйдәләре һәм табигатькә зыян китермичә матур итеп ял итү хакында аңлатма бирелде. Укучылар белән иң актуаль темаларның берсе-Җир планетасының пычрануы, аны саклау, Кызыл китапка кертелгән үсемлекләр һәм хайваннар дөньясы, табигать турында сөйләшү алып барылды. Шулай ук балалар төрле хәрәкәтле уеннар уйнадылар һәм викторина сорауларына җавап бирделәр.