Зур Кукмара авылы мәдәният йортында Татарстанның фермер һәм крестьян хуҗалыклары ассоциациясе рәисе Камияр Байтимеров һәм район башлыгы Сергей Димитриев катнашында район фермерлары берләшмәсенең хисап-сайлау җыелышы булды. Чарага крестьян-фермер хуҗалыклары җитәкчеләре, җирлек башлыклары чакырылган иде. Җыелышта шулай ук крестьян-фермер хуҗалыклары берләшмәсенә яңа рәис – Таһир Бариев сайлап куелды. Ә берләшмәнең элеккеге рәисе Зөфәр Баязитов Камияр Байтимеровның тәкъдиме белән республика крестьян-фермерлар ассоциациясе рәисенең урынбасары итеп сайланды.