ЯҢАЛЫКЛАР

6 май көнне Манзарас мәдәният йорты каршында урнашкан һәйкәл янында тыл ветераннары hәм мәктәп балалары катнашында "Өлкән буын батырлыгын йөрәкләрдә саклыйбыз" дип исемләнгән әдәби-музыкаль кичә узды.

Зур Кукмара авылы китапханәчесе 5-8 класс укучыларына Бөек Җиңүнең 72 еллыгы уңаеннан “Мәңгелек ул- сезнең батырлык” дигән темага китап күргәзмәсе тәкъдим итте.

Пычак авылы китапханәчесе 1-4 сыйныф укучылары белән берлектә “Синең көндәлегең”дигән темага дәрес “ үткәрде. 

Манзарас авылы китапханәчесе “Балаларга сугыш турында укыйбыз” акциясе кысаларында мәктәпкәчә яшьтәге “Әкият” балалар бакчасында тәрбияләнүче балаларга “Җиңү  бәйрәме белән” дигән дәрес-презентация күрсәтелде. 

Әсән-Елга авылы китапханәчесе мәдәният йорты хезмәткәрләре белән берлектә татар халкының гореф-гадәтләрен яңарту максатыннан “Зәрә боткасы” бәйрәме үткәрде. 

Пычак авылы китапханәчесе “Балаларга сугыш турында укыйбыз” акциясе кысаларында башлангыч сыйныф укучылары белән берлектә “Алар җиңү алып кайтты” дигән батырлык дәресе уздырды. 

Җиңү көне! Бу сүз һөркайсыбыз өчен дә чиксез кадерле. Җиңү-ул кешелеккә җирдәге тормышны саклау өчен кирәк иде. Шуңа да 1945 - ел истәлеге- тормышның үзе кебек мәңгелек. 
Бөек җиңүгә 72 ел узды, тагын бик күп дистә еллар үтәр, буын арты буын алмашыныр, ләкин Бөек Җиңү һәм шушы Җиңүне яулаган какшамас фронт һәм тыл каһарманнарының якты истәлеге халык күңелендә мәңге яшәр. 
Татар Толлысы авылы клуб һәм китапханә хезмәткәрләре һәр елны һәйкәл янын чистартып, агартып, яңартып тора. Җәй көне чүп үләннәреннән арындыралар.
Данлы көннәр, вакыйгалар һаман артта кала бара. Килер бер көн, бу сугыш тарих битләрендә генә калыр. Тыныч көннәребезнең кадерен белик! Сугыш дигән афәтне беркемгә дә күрергә язмасын!

«Буыннан буынга», «Юл иминлеге мәктәбе» гомум конкурсы кысаларында “Тылсым” халыкка социаль хезмәт күрсәтү үзәгендә “Өлкән яштәге кешеләрне кайгырту” наминациясендә мөһим чара үткәрелде. Бу чараның максаты - өлкәннәрне юл хәрәкәте иминлекләрен, сәләмәтлекләрен саклау, тормышларын куркыныч астына куюны булдырмый калу.

Татар Толлысы мәдәният йортында башлангыч сыйныф укучылары белән "Китапханәгә  сәяхәт" дигән мәдәни- тематик сәгать уздырылды. Китапханәнең тарихы, китапханәче хезмәте белән таныштырылды.

4 май көнне Кукмара үзәкләштерелгән китапханәләр системасында китапханә хезмәткәрләренең аттестациясе  булды.