Киров өлкәсе Сосновка шәһәрендә 5-нче төбәкара“Уйнагыз гармуннар”  фестивале булып үтте. Бу чарада безнең Мәмәшир авылы  китапханәчесе тере гармун тавышына җырлауда үзенең осталыгын күрсәтте.

 23 февраль көнне Туембаш  авыл жирлегендә  Афган сугышында  батырлык курсәткән сугышчылар истәлегенә багышлап  чара үткәрелде.

27 февраль көнне балалар китапханәсендә Ч.Т.Айтматов исемендәге №1 гимназиядә 1Б сыйныф укучылары өчен китапханә дәресе узды. Багавиева Алсу китапханәнең бүлекләре, киштәләрдә китапларның урнашу тәртибе, үз-үзеңне тоту, китапны саклау турында сөйләде. Балалар  абонемент, формуляр, картотека, каталог кебек яңа сүзләр белән танышты, газет-журналлар, яңа кайткан китаплар карады.

Дәрес ахырында балалар китапханәгә язылып, китаплар алды.

Сазтамак авылында табышмаклар кичәсе үткәрелде

Авыл мәдәният йортлары һәм клубларында мәдәни чаралар үткәрү дәвам итә

Трыш авылы китапханәчесе “Кем  зирәк -  әйт  тизрәк” дип исемләнгән табышмаклар кичәсе  үткәрде.  Балаларга  халык  авыз иҗатының  бер  төре булган табышмаклар турында аңлатып китте. Аннары балалар үзләренең  тапкырлыкларын күрсәттеләр, табышмакларга җаваплар бирделәр,  башваткычлар чиштеләр. Чара “Татар халык иҗаты” китап күргәзмәсе  янындагы әңгәмә белән  тәмамланды.

Трыш авылы китапханәчесе башлангыч класс укучылары белән “Әкиятләр илендә – күңелле стартлар” дип исемләнгән  әңгәмә ярыш уздырды. Балалар бу ярышларда әкият геройлары ролендә булып, төрле әкиятләргә сәяхәт иттеләр.

Трыш авылы китапханәчесе 2-4 сыйныф укучылары өчен “Непоседа” журналына күзәтү ясады. Җурналның кыскача эчтәлеге белән таныштырды. 

Авыл мәдәният йортларында 23 февраль  - Ватанны саклаучылар  көненә багышланган күңел ачу чаралары үтте.

Зур Кукмара урта мәктәбенең 4 класс укучылары белән Халыкара туган тел көне уңаеннан "Туган телем- иркә гөлем" дигән темага әдәби кичә үтте. Укучыларга туган телебез, аның үткәне, бүгенгесе турында мәгълүмат бирелде. Туган телебез турында риваять сөйләнде, язучыларыбызның матур шигырьләре укылды һәм туган телебезгә багышлап "Кем тизрәк?", "Танышу", "Чын татар исеме", "Сүз өстә" һ.б. уеннар уйналды. Шулай ук туган телебезгә багышланган мәкальләр искә төшерелде. Һәр халыкның туган теле – аның мәдәнияте, тарихи көзгесе. Шуңа да телебез сафлыгы, матурлыгы, аһәңлелеге өчен барыбызга да армый-талмый көрәшергә, эшләргә кирәк. Туган телне яратыгыз, матур итеп сөйләшегез, тәмле телле булыгыз. Тырыш, акыллы, гыйлемле булып үсегез, дигән сүзләр белән кичәбез төгәлләнде.