Көрәш буенча Кукмара командасы Республикасының беренче Президенты Кубогына үткән ярышларда Чемпион булды

Анда 43 команда составында 360 спортчы катнашты.

Актанышта Татарстан Республикасының беренче Президенты Кубогына 2002-2004 елгы ир-егетләр арасында 19нчы тапкыр көрәш ярышы үткәрелде. Анда 43 команда составында 360 спортчы катнашты. Район балаларны сәламәтләндерү-белем бирү үзәгенең яшь көрәшчеләре югары нәтиҗәләр күрсәтеп, ярышларның гомумкоманда зачетында Чемпион булдылар. Шәхси зачетта Зур Сәрдек гимназиясеннән Илшат Гыйниятуллин (тренеры – Фәһим Кадыйров), Айнур Галимҗанов (тренеры – Нуретдин Зыятдинов), Байлангар урта мәктәбеннән Инсаф Кәримуллиннар (тренеры – Илсур Нәҗмиев) үз үлчәү авырлыкларында беренче урынны алдылар, Янил урта мәктәбеннән Рүзәл Тимергалиев (тренеры – Илсур Нәҗмиев), Сосновкадан Богдан Григорьев, Артем Григорьевлар (тренерлары - Таһир Әхкәмов) көмеш медаль яуладылар, ә Зур Сәрдек гимназиясеннән Инсаф Фәхретдинов (тренеры – Фәһим Кадыйров) ярышларда бронза медаль иясе булды. Бу җиңүгә шулай ук Янил урта мәктәбеннән Салават Галимуллин, Инсаф Гыйльметдинов (тренерлары – Илсур Нәҗмиев), Байлангар урта мәктәбеннән Абдулсамад Шакировлар (тренеры – Илсур Гыймадетдинов) да зур өлеш керттеләр.