2019 елның 28 сентябрендә «Зилант» спорт мәктәбендә спорт ветераны Шәрипов Әхмәтшакир Шәрип улы призына өстәл теннисы буенча Кукмара муниципаль районының ачык шәхси-команда беренчелеге булып узды.
2019 елның 28 сентябрендә «Зилант» спорт мәктәбендә спорт ветераны Шәрипов Әхмәтшакир Шәрип улы призына өстәл теннисы буенча Кукмара муниципаль районының ачык шәхси-команда беренчелеге булып узды. Ачылу тантанасында Кукмара муниципаль районы башлыгы Сергей Димитриевич Димитриев катнашты. Ярышлар 3 яшь группасында үтте: 2005 елгы һәм аннан да яшьрәк егетләр һәм кызлар арасында шәхси-команда ярышлары, 2004 елгы һәм аннан да өлкәнрәк ир-егетләр һәм кызлар, ир-атлар һәм хатын-кызлар, 55 яшь һәм аннан өлкәнрәк ветераннар арасында шәхси ярышлар. Ярышларда 100дән артык кеше катнашты.
Беренчелекнең күчмә Кубогын Алексеевск районы командасы яулады, икенче урында Саба районы Яшьлек командасы, өченчедә - Туембаш урта мәктәбе командасы. Үз яшь төркемнәрендә 1 урынны Илзия Фәйзрахманова, Алексей Монахов, Яна Рамазанова, Михаил Сяркин (Алексеевск), Рамил Әхмәтҗанов (Кукмара) яуладылар. Җиңүче Команда күчмә кубок, грамота, медальләр һәм кыйммәтле бүләкләр белән, команда-призерлар грамоталар, медальләр һәм кыйммәтле призлар белән бүләкләнде; шәхси зачетта җиңүчеләр һәм призерлар - грамоталар, медальләр һәм кыйммәтле призлар белән бүләкләнде. Хатын – кызлар һәм кызлар-гадәттәгечә чәчәкләр белән.