«Халыклар күп, туган тел бер генә» фольклор бәйрәме (6+)

2020 елның 26 феврале, чәршәмбе

26 февраль көнне «Гөрләвек» балалар бакчасында Халыкара туган тел көненә багышланган «Халыклар күп, туган тел бер генә» дип исемләнгән фольклор бәйрәме узды. Балалар китапханәсе китапханәчесе Фирдания Закирова балаларга бу бәйрәмнең килеп чыгу тарихы, туган телгә, халык иҗатына, гореф-гадәтләренә сакчыл караш тәрбияләү кирәклеге турында сөйләде, балалар фольклоры әсәрләре белән таныштырды. Балалар үзләренең иҗади сәләтләрен күрсәттеләр, үз милләтләрен күрсәттеләр, үз халкының гореф-гадәтләре белән таныштырды, төрле халык уеннарында катнашты, шигырьләр сөйләде, җырлады һәм биеде.