«Туган җирем – дуслык иле, һәрбер милләт – аның голе» танып-белү әңгәмәсе

2021 елның 14 апреле, чәршәмбе

14 апрель көнне балалар китапханәсендә «Шәфкатьлелек» тернәкләндерү үзәгендә тәрбияләнүче балалар өчен китапханәче Фирдания Закирова Туган телләр һәм халыклар бердәмлеге елына багышланган «Туган җирем – дуслык иле, һәрбер милләт – аның голе» дип исемләнгән танып-белү әңгәмәсе үткәрде. Ул балаларны китапханә, китап күргәзмәләре, төрле уен зоналары, хезмәт күрсәтү зоналары белән таныштырды. Соңыннан балалар презентация ярдәмендә төрле халыкларның мәдәнияте, гореф-гадәтләре, халык иҗаты китаплары белән танышты. Балалар төрле халыкларның әкиятләре үзара бик охшаш, кыюлык, игелеклелек, гаделлек, үзара ярдәм итешүне өйрәтүләрен белде. “Туган телем” бию флешмобын күрсәтте. Чара китап күзәтү белән тәмамланды.