«Милосердие» реабилитация үзәгендә «Сәламәт тәндә-сәламәт рух» дигән спорт бәйрәме узды

2021 елның 27 мае, пәнҗешәмбе

Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәгендә «Сәламәт тәндә-сәламәт рух» дигән спорт бәйрәме узды .

    Чараның максаты балаларның рекреацион күнекмәләрен үстерү, сәламәт яшәү рәвешенә гадәт формалаштыру, уртак уен гамәлләре барышында уңай эмоциональ кәеф булдыру иде.

    Бәйрәм берничә этапта уен формасында узды: башта балалар белән физкультминутка, аннары спорт марафоны үткәрелде.

    Балалар «Лабиринт», «Максатка ирешү», «Кояш һәм яңгыр», конкурсларында катнаштылар.

    Чара барышында күңелле атмосфера хөкем сөрде. Бәйрәм бик күңелле һәм мавыктыргыч үтте.