Кукмарада Яңа ел бәйрәмнәрендә Кыш бабай резиденциясе эшләячәк

2021 елның 28 декабре, сишәмбе

Кунаклар һәм район халкы өчен мастер-класслар, чыршы янында әйлән-бәйлән уеннары һәм башка чаралар оештырылачак.

2021 елның 31 декабреннән 2022 елның 9 гыйнварына кадәр 13.00-15.00 сәгатьләрдә «Киндер-Күл» паркында Кыш бабайның Яңа ел резиденциясе эшләячәк. Бу турыда Кукмара районы Мәдәният йортында хәбәр иттеләр.

Программада: чыршы тирәли әйлән-бәйлән уеннары, мастер-класслар.

Кунаклар һәм район халкы фотосессиядә катнаша, кар чаналарында, атларда йөри, кайнар чәй һәм мичтә пешкән коймак белән сыйлана, шулай ук балалар өчен Кыш бабайның видеокотлавына заказ бирә ала.