Кукмарада район Советының чираттагы сессиясе булды

Бүген икенче чакырылыш Кукмара район Советының утыз икенче сессиясе булды. Сессиядә түбәндәге ике мәсьәлә каралды:

1.Кукмара районының 2014 елга һәм планлы 2015 һәм 2016 елларга бюджеты проекты.

2.Кукмара муниципаль районы муниципаль берәмлегенең Уставына үзгәрешләр кертү проекты.

Әлеге көн тәртипләре буенча финанс-бюджет палатасы рәисе Илнур Сәмигуллинның, район советының юридик бүлек җитәкчесе Ирина Ходованың чыгышлары тыңланды. Район башлыгы Рауил Рәхмәтуллин йомгаклау сүзе белән чыкты. Сессияне район башлыгы урынбасары Равия Каримуллина алып барды.