1 апрельдән беренче сыйныфларга укучы кабул итү башлана
Әти-әниләр документларны алдан әзерләп торулары һәм тапшыруның уңайлы ысулын сайлаулары мөмкин. Иң гади вариант — «Тормыш ситуацияләре» хезмәте эшләгән Дәүләт хезмәтләре порталы аша гариза бирү. Бу мәктәпкә артык йөрмичә, тиз арада гариза рәсмиләштерү мөмкинлеге бирә.
Кабул итү ике этапта уза:
– 1 апрельдән 30 июньгә кадәр — гариза теркәлү урыны буенча мәктәпкә яки льготалар булганда тапшырыла;
– 6 июльдән 5 сентябрьгә кадәр — буш урыннар булганда теләгән мәктәпкә гариза бирелә.
Гаризаны берничә ысул белән тапшырып була: Дәүләт хезмәтләре порталы аша онлайн, почта аша яки мәктәпкә шәхсән килеп. Онлайн-формат аеруча уңайлы: гаризаның эскизын алдан тутырып, кабул итү кампаниясе башлангач, берничә минут эчендә җибәрергә мөмкин. Төп документлар: әти-яки әнинең паспорты, баланың туу турында таныклыгы һәм теркәлү документлары.
Искәртеп узабыз: онлайн-хезмәтләрне үстерү «Мәгълүматлар икътисады һәм дәүләтнең цифрлы трансформациясе» илкүләм проекты кысаларында гамәлгә ашырыла.