Безнең волейболчылар — финалда!

2026 елның 9 апреле, пәнҗешәмбе

3-5 апрель көннәрендә Буа шәһәрендә XXIII авыл «Сәламәтлек» Спартакиадасының волейбол буенча зона этабы узды. Иң көчле командалар катнашты, һәр туп өчен көрәш барды.

Кукмара районы характер күрсәтте. Безнең җыелма команда мактаулы 🥉 өченче урынны алды һәм, иң мөһиме, финалга юллама яулады!

Хәлиткеч уеннар 2026 елның сентябрендә узачак. Алда — әзерлек һәм сезонның төп старты.

Егетләребезгә ышаныч, ныклы тапшыру һәм финал турнирында уңышлар телибез.