Кукмара районында «Конструктив диалог»: 389 укучы һәм студент санлы куркынычсызлык турында сөйләште
Кукмара районында «Конструктив диалог»: 389 укучы һәм студент санлы куркынычсызлык турында сөйләште
2026 елның 16 апрелендә «Конструктив диалог» проекты узды. Чара Татарстан Республикасы Кукмара муниципаль районының түбәндәге мәйданчыкларында оештырылды: «Яныль авыл мәдәният йорты» (анда Яныль урта мәктәбе укучылары һәм Кукмара аграр көллияте студентлары катнашты); «Олы Сардек гимназиясе»; «Ошторма-Юмья урта мәктәбе» (шулай ук Урта Кумор, Яңа Синьков мәктәпләре һәм Кукмараның 3нче урта мәктәбе укучылары чакырылды). Барлыгы чараларда 389 укучы катнашты. Манзарас авылындагы С.А. Әхтәмов исемендәге мәктәп мәйданчыгына педагоглар, тренерлар һәм ата-аналар чакырылган иде.
Проектның тематикасы — экстремизмны һәм терроризм идеологиясен профилактикалау. Төп максат — кызыклы һәм интерактив форматта катнашучыларга бик мөһим һәм җитди темаларны, шул исәптән санлы гигиена, деструктив агымнарга өндәүгә каршы тору, манипуляцияләрдән саклану һәм башка актуаль катлаулы мәсьәләләрне аңлату. Спикерлар булып Татарстан Республикасында антитеррористик комиссия аппараты җитәкчесенең яшьләр һәм иҗтимагый ярдәмчеләре чыгыш ясады.
Алар лекторий, «Санлы куркынычсызлык» темасына квиз үткәрделәр. Мондый чаралар үзен, якыннарын һәм җәмгыятне төрле куркынычлардан сакларга сәләтле аңлы буын тәрбияләү өчен бик мөһим.
Бүген бергә — имин киләчәк өчен! Проект ТР Яшьләрнең иҗат академиясе һәм ТР Яшьләр ресурс үзәге тарафыннан ТР Раисының гражданлык җәмгыятен үстерү гранты, ТР антитеррористик комиссиясе аппараты һәм ТР Яшьләр эшләре министрлыгы ярдәмендә гамәлгә ашырыла.