Кукмара төзекләндерү проектлары Бөтенроссия конкурсында Ленин һәм Ворошилов урамнарын ревитализацияләү проекты белән җиңде
2025 елда Кукмара шәһәре чираттагы тапкыр «Кече шәһәрләр» категориясендә «Уңайлы шәһәр мохитен булдыруның иң яхшы проектлары» Бөтенроссия конкурсында «Үзәк шәһәр урамнарын — Ворошилов һәм Ленин урамнарын, Чернышевский урамыннан Муса Җәлил урамына кадәрге участокта ревитализацияләү» проекты белән җиңүче булды. Бу проект «Тормыш өчен инфраструктура» милли проектының «Уңайлы шәһәр мохитен формалаштыру» федераль программасы кысаларында гамәлгә ашырылачак. 2026 ел — проектны тормышка ашыру елы.
Бу проект ял итү өчен матур шартлар тудыру һәм төзекләндерү күзлегеннән генә түгел, бик мөһим. Ул территориянең икътисади компонентына турыдан-туры тәэсир итә. Проект шәһәр мохитенең сыйфатын яхшыртуга, урамнарны җәяүлеләр һәм халык өчен уңайлырак итүгә, шулай ук Кукмараның туристик потенциалын ныгытуга юнәлдерелгән.
Ворошилов һәм Ленин урамнарын ревитализацияләү — шәһәр мохитен яңартуга комплекслы якын килү. Төп эшләр Чернышевский урамыннан Муса Җәлил урамына кадәрге участокны колачлый, монда заманча җәяүлеләр зоналары, велодорожкалар, яшел утыртмалар һәм урам жиһазлары белән ял зоналары булдырылачак.