Кукмарада "Кукмара кышы" җыр бәйгесе узачак

Район мәдәният идарәсе һәм “Хезмәт даны” газетасы редакциясе каршындагы “Салават күпере” иҗат берләшмәсе яшь, сәләтле җырчыларны барлау һәм үстерү максатыннан районыбызда җыр, моң сөючеләр арасында популяр булган, “Кукмара кышы” татар җыры бәйгесе үткәрәләр.
Фестиваль-конкурс 3 этаптан тора.
1 этап – сайлап алу турлары.
2 этап – ярымфинал.
3 этап – финал – Гала-концерт.
Фестивальдә катнашучыларның яше 14тән 35 яшькә кадәр.
Бәйгенең шартлары: җырчының репертуарында бер халык яки 60-80 елларда язылган җыр һәм үзе теләгән заманча җыр булырга тиеш.
Сайлап алу туры 2 зонада үтәчәк.
18 гыйнвар – Әсән-Елга мәдәният йортында.
25 гыйнвар – Зур Сәрдек мәдәният йортында.