Кызына булыштым, үзе дә капкынга эләктем.
Кукмара районы прокуратурасы тарафыннан Кукмара районында яшәүчегә карата җинаять эше судка җибәрелгән. Ул РФ Җинаять Кодексының 291 маддәсенең 3 нче өлешендә каралган җинаять кылуда гаепләнә — вазыйфаи затка арадашчы аша законсыз гамәлләр кылган өчен шактый күләмдә ришвәт бирү.
Тикшерү материаллары буенча, 2020 елның 1 июненнән 25 июньгә кадәрге чорда эш фигурантында закон тарафыннан билгеләнгән конкурс процедурасын читләтеп, кызының уку учреждениесенә гарантияле керүен тәэмин итүгә юнәлдерелгән җинаятьчел ният барлыкка килгән.
Ниятләгәннәрен тормышка ашыру максатыннан, гаепләнүче арадашчылар чылбыры аша 95 000 сум күләмендә акча тапшыра, аннары аны уку йортының билгесез вазыйфаи затларына тапшыра.
Тикшерү тарафыннан җитәрлек дәлил базасы җыелган. Җинаятьченең гаебе алдан тикшерү стадиясендәге барлык күрсәткечләр, шулай ук акча хәрәкәтен теркәгән банк операцияләре материаллары белән раслана. Гаепләнүченең гамәлләре алдан ук законсыз гамәлләр (гамәл кылмау) өчен арадашчы аша шактый күләмдә ришвәт бирү буларак квалификацияләнгән.
РФ Җинаять Кодексының 291 маддәсенең 3 өлеше санкциясе штраф белән 7 елдан 12 елга кадәр иректән мәхрүм итүне күздә тота.