Кукмарада укытучыларның кышкы спартакиадасы узды

Район мәгариф идарәсе һәм профсоюз оешмасы мәгариф хезмәткәрләренең кышкы спартакиадасын уздырды. Анда мәгариф хезмәткәрләре спортның сигез төре буенча көч сынашты.

Ир-егетләр һәм хатын-кызлар арасында беренче урыннарны алучылар менә кемнәр: чаңгы ярышы (эстафета) - Дилүс Кәримуллин (Лельвиж), Маиса Михайлова (Нырья балалар бакчасы), шорт-трек – Айрат Нигъмәтҗанов (Туембаш), Лилия Нәбиева (Сәрдекбаш), өстәл теннисы – Рөстәм Фәйзуллин (Манзарас), Дания Габдрахманова (өстәмә белем бирү педагогы), турникта тартылу – Радик Давыдов (Урта Комар), идәннән этенү – Нурфия Шакирова (Березняк), дартс – Илшат Шәфигуллин (Манзарас), Людмила Похомова (Урта Комар), шахмат – Илшат Ярмөхәмәтов (3нче мәктәп), Мая Александрова (Нырья), канат тарту - Эдуард Козлов (Чарлы), Фаина Спиридонова (Ош.Юмья).