“Дружба”да семинар-киңәшмә узды

“Дружба” агрофирмасы базасында кыр эшләренә хәзерлек, терлекчелектә гыйнвар ае нәтиҗәләренә багышланган семинар-киңәшмә үткәрелде. Семинарда катнашучылар Поч.Кучук машина-трактор паркында техника ремонты, терлекчелек комплексында кышлату чоры барышы белән таныштылар.

“Дружба” агрофирмасында җитештерү күләме артса да, әле кулланылмаган резервлар күп. Бүген алар һәр сыердан тәүлеккә уртача 10 килограмм сөт савып, районда сөт җитештерү буенча иң артта баралар.

-Фермада мал асрау өчен яхшы шартлар булдырылган. Ашатуны тиешенчә көйләп, технологик таләпләргә игътибарны көчәйтеп, ит-сөт җитештерүне нык арттырырга кирәк. Шул чакта хезмәт хакларын күтәрергә дә мөмкинлек булыр, - дип билгеләп үтте район җитәкчесе Сергей Димитриев.