Дүрт ятим балага гаилә җылысы биргән Шәйфетдиновлар “Туган йорт җылысы” хәйрия фестиваленнән Мактау грамоталары белән кайттылар

Казанда тәрбиягә бала алган гаиләләрнең “Туган йорт җылысы” дигән хәйрия фестивале узды. Әлеге чарага Казаннан һәм республика районнарыннан ятимнәрне үз канаты астына алган 12 гаилә һәм аларда тәрбияләнүче 60 бала чакырылган иде. Фестивальдә районыбызның Поч.Сутер авылында яшәүче Роза һәм Владимир Шәйфетдиновлар гаиләсе дә катнашты. Алар дүрт ятим балага гаилә җылысы бирә. Шәйфетдиновлар “Милләт горурлыгы”, “Туган йорт җылысы” номинацияләрендә җиңү яуладылар һәм Мактау грамотасы, кыйммәтле бүләкләргә ия булдылар.