Кукмарада Коръән укучылар бәйгесе узды

Кукмара мәдрәсәсе бинасында район күләмендәге Коръән укучылар бәйгесе үткәрелде. Бәйгедә барлык теләүчеләр – балалар да, олылар да катнашты. Катнашучылар яше буенча берничә төркемгә бүленде. Һәр төркемдә түбәндәге номинацияләр билгеләнде:

1. 5 һәм әзрәк сүрәне яттан белү;

2. Коръәннең ахыргы 10 сүрәсен яттан белү (“Фил”дән “Нәс”кә кадәр);

3. Коръәннең ахыргы 20 сүрәсен яттан белү (“Әддухә”дән “Нәс”кә кадәр);

4. Коръәннең ахыргы 30 сүрәсен яттан белү (“Буруҗ”дән “Нәс”кә кадәр).

Ир-егетләр һәм хатын-кызлар аерым ярышты. 1-2-3 нче урын алучыларга бүләк тапшырылды.