“Зилант”та кул көрәше буенча район беренчелеге үтте

Кул көрәше буенча “Зилант”та үткән район беренчелегендә 12 мәктәптән барлыгы 70 укучы катнашты. Традицион турнирда Янилдәге аграр көллияттән Әсхәт Җиһаншин, Кукмара 4 урта мәктәбеннән Гүзәл Галиевалар абсолют җиңүчеләр булдылар. Призлы урыннарны алучыларга әлеге бәйгенең спонсорлары – Кукмара металлл савыт-сабалар заводы, шәхси эшмәкәр “Муратова”, “Намус” ширкәте, шәхси эшмәкәр Илназ Шакиров лар ярдәме белән әзерләнгән бүләкләр тапшырылды.