“Хәтер” һәм “Кар десанты” төркемнәре экспедициягә китте

Олыяз урта мәктәбенең Гомәр Хаҗиев җитәкчелегендәге “Хәтер”, Кукмара аграр көллиятенең Ринат Шакиров җитәкчелегендәге “Кар десанты” төркемнәре Новгород өлкәсенең Үлем Үзәненә экспедициягә киттеләр.

-Юлга кузгалучы егетләр хөрмәтенә Олыяз мәктәбендә “Хәтер ялкыны” дигән чара оештырылды. Ул чыгышлар, концерт номерлары белән үрелеп барды, - дип хәбәр итте экспедиция җитәкчесе Гомәр Хаҗиев. – Новгород өлкәсеннән 10 майда кайтырга планлаштырабыз.