Кукмарада яшәүче Әкълимә апа Юнысова 90 яшьлек юбилеен билгеләп үтте

2015 елның 19 мае, сишәмбе
Бүген Кукмарада яшәүче Юнысова Әкълимә Гомәр кызына 90 яшь тулды. Юбилярны район Советы рәисе урынбасары Равия Каримуллина котлады, ул туган көн иясенә Россия Президентының котлау открыткасын, район җитәкчесенең Рәхмәт хатын, истәлек бүләге тапшырды. Шулай ук юбилярны “Урал” хуҗалыгы җитәкчесе Газинур Хәбибрахманов, Олыяз авыл җирлеге башылгы Рамил Мәликов, район социаль яклау бүлеге җитәкчесе Светлана Җамалиевалар да тәбрикләделәр.

Әкълимә апа үзенең пар канаты Касыймхан абый белән җиде балага гомер биргән. Гаилә башлыгы бик иртә, 56 яшендә үк дөнья куя. Әкълимә апа берьялгызы балаларын олы тормыш юлына чыгара, аларга тиешле белем һәм тәрбия бирә. Бүгенге көндә ул кызы гаиләсендә яши. Аның 14 оныгы, 12 оныкчыгы бар. Сау-сәламәт булып, тагын бик күп еллар яшәргә язсын әле сезгә, Әкълимә апа!

Юбиляр турында тулырак язма белән “Хезмәт даны” газетасында танышырга мөмкин булачак.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Документлар
ПРЕСС-ХЕЗМӘТ
Гражданнар мөрәҗәгатьләре һәм кабул итү
Адрес: 422110, ТР, Кукмара районы, шәһәр тибындагы Кукмара бистәсе, Ленин урамы, 13
Телефон: (84364) 2-80-69
Факс: (84364) 2-70-54
E-Mail: kukmara@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International