Район җитәкчесе һәр тармакка төгәл бурычлар билгеләде

Район җитәкчесе Сергей Димитриев үткәргән киңәйтелгән дүшәмбе киңәшмәсендә быел ярты елда башкарылган эшләр, кичекмәстән хәл итәсе бурычлар, игеннәрне урып-җыю, төзелешләрне сыйфатлы итеп башкару, 13 сентябрьдә булачак сайлауларга хәзерлек һәм башка мәсьәләләр турында сөйләшенде. Әлеге көн тәртипләре буенча район Башкарма комитеты рәисе урынбасары Азат Гарифуллин, территориаль үсеш бүлеге җитәкчесе Чулпан Хәнәфина, социаль мәсьәләләр буенча урынбасар Рузалия Галиева, “Инженерлык челтәре” җитәкчесе Наил Гыймадиев, авыл хуҗалыгы идарәсе башлыгы Рафак Хәлиуллин, “Вахитов” исмендәге хуҗалык рәисе Нәфыйк Хөсәенов, район Советы рәисе урынбасары Равия Каримуллиналар чыгыш ясады.