Муниципаль районнар Кукмара муниципаль районы

Республикакүләм “IT-чемпион” бәйгесе дәвам итә

2015 елның 29 июле, чәршәмбе

Татарстанда 2015 елның 18 мартында башланып киткән республикакүләм «IT-чемпион» бәйгесе дәвам итә. Бүгенге көнгә бәйгедә республикабызның 1 135 мәктәбеннән 40 меңгә якын укучы катнаша. Аларның логиннары uslugi.tatarstan.ru Татарстан Республикасы дәүләт һәм муниципаль хезмәтләр порталындагы 45 763 шәхси кабинетта сакланган.
Конкурста укучылары иң актив катнашучы мәктәпләр рәтендә Кайбыч, Нурлат, Яңа Чишмә, Балык Бистәсе, Әлки, Тукай һәм Аксубай районнары исәпләнә.
Иң актив Топ-10 мәктәп укучысы исемлегенә Балык Бистәсе, Яшел Үзән, Кукмара, Нурлат, Ютазы, Сарман һәм Тукай районнарыннан укучылар керде.
Бәйге ике этапта уздырыла: 2015 елның 18 мартыннан 31 июльгә кадәр, 1 августан 30 ноябрьгә кадәр. Бәйгедә республиканың барлык мәктәп укучылары катнаша ала.
Һәр этап ахырында һәрбер муниципаль районның 3 укучы планшет белән бүләкләнәчәк.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

«Ачык ишекләр көне» акциясе кысаларында 9:00 дән 17:00 гә кадәр салым органында түбәндәге адрес буенча: Байлар Сабасы штп, Габдулла Тукай ур., 12 В, гражданнарга 2025 елда алынган керемнәрне декларацияләү тәртибе турында хәбәр итәчәкләр.

Ял кичәсе: “Ә бездә - барысы да яхшы”

24 апрель көнне Үзәк китапханә китапханәчесе Пахомова В.Г., социаль ярдәм үзәге “НАЗ”да ял итүче пенсионерлар өчен, « Ә бездә - барысы да яхшы » дигән ял кичәсе үткәрде.

Үзәк китапханә хезмәткәрләре «Татарча диктант» акциясендә катнашты

2026 елның 24–26 апрелендә унберенче тапкыр «Татарча диктант» Бөтендөнья белем бирү акциясе узды. Чара татар телен популярлаштыру һәм саклап калуга юнәлтелгән. Быелгы чара аеруча зур әһәмияткә ия, чөнки ул бөек татар шагыйре Габдулла Тукайның тууына 140 ел тулу уңаеннан оештырылды. 2026 ел Тукай елы дип игълан ителде, һәм акция тулысынча аның әдәби мирасын хөрмәтләүгә багышланды. Үзәк китапханә коллективы бу башлангычтан читтә калмады. Хезмәткәрләр диктант язу акциясендә актив катнашып, үз грамоталылыгын күрсәтте һәм туган телне саклауга үз өлешен кертте. Мондый акцияләрдә катнашу — белемнәрне тикшерү генә түгел, ә мәдәниятне үстерүгә һәм татар теленең статусын ныгытуга мөһим өлеш кертү дә. Без коллегаларыбыз белән горурланабыз һәм киләсе елда барлык теләүчеләрне дә әлеге акциягә кушылырга чакырабыз.

Мәгълүмат сәгате: «Чернобыль фаҗигасе»

24 апрельдә Үзәк китапханәнең хезмәт күрсәтү бүлеге китапханәчесе Гарипова Л.Д. , Ч.Т.Айтматов исемендәге 1 нче гимназия укучылары өчен «Чернобыль фаҗигасе» дип исемләнгән мәгълүмат сәгате үткәрде. Чара барышында Лилия Дамировна һәлакәтнең масштабы, авария урынында радиация зарарлануларын бетерү буенча волонтерларның эше, радиациядән зыян күргән кешеләр һәм аларның язмышлары турында сөйләде.

ЯҢАЛЫКЛАРГА ЯЗЫЛУ