ЯҢАЛЫКЛАР

Актанышта 2000-2002 елгы яшүсмерләр арасында Татарстанның беренче Президенты Кубогына милли көрәш буенча турнир узды. Әлеге бәйгедә уңышлы чыгыш ясаган, районда спортны үстерүгә үзләреннән лаеклы өлеш керткән Булат Кәримуллин, Альмир Зарипов, Илгиз Галимов, Рәис Зарипов, Кәрим Садыйков, Инсаф Садыйков, Айнур Галимҗанов, Наил Шамбазов, Павел Филиповларга район башлыгының Рәхмәт хатлары тапшырылды.

“Созвездие-Йолдызлык” эстрада сәнгате ачык республика телевизион яшьләр фестиваленең зона этабында югары нәтиҗәләргә ирешкән һәм җиңү яулаган иҗади коллектив җитәкчеләре: Венера Гыйләҗева, Лилия Нурмеева, Лилия Хөснетдинова, Регина Вәккасова (Кукмара балалар сәнгать мәктәбе), Алсу Галиуллина (Татар дәүләт җыр һәм бию ансамбле балеты артисты), Миләүшә Закирова, Ләйсән Аюпова (күппрофильле лицей), Роза Сәйфуллина (Кукмара 3нче мәктәбе) район башлыгының Мактау грамотасы белән бүләкләнделәр. 

Бөек Ватан сугышы ветераны белән очрашуга барырга туры килсә, куркып, шикләнеп тә куясың: сәламәтлеге ничек икән, аралаша аламы? Әлеге чор кешеләре инде хәзер олы яшьтә булу белән беррәттән, яшьлектә күргән авыр язмышлары да гомерләр узган саен үзен сиздерми калмый. Зур Сәрдек авылында яшәүче Әхәт абый Вәлиевка күз тимәсен, сөбеханалла, сөйләшүе дә көр, бик ачык, аралашырга да күңелле кеше булып чыкты. “100гә дә җитәм әле мин, Алла боерса”, - дип, күтәренке кәеф белән каршы алды ул безне.

Халкыбызның сөекле шагыйре Габдулла Тукайның тууына 130 ел һәм герой-шагыйрь Муса Җәлилнең тууына 110 ел тулуга багышланган районкүләм шигырьләр конкурсы үткәрелде. Конкурста мәктәп укучылары  үзләренең татар яки рус телендә иҗат иткән шигырьләре белән катнаштылар.