ЯҢАЛЫКЛАР

Байлангар мәдәният йортында, китапханә белән берлектә 22 июнь көнне лагерга йөрүче балалар катнашында “Батырларның даны мәңгелек” дигән кичә үтте. Кичә барышында Тыл ветераны Заляева Нурия апа үзенең сугыш вакытында ниләр эшләвен, шул чор хатирәләре белән укучыларга сөйләп үтте.

22 июнь көнне Кукмара муниципаль районы террорга каршы көрәш комиссичсе утырышы үтте.

Бүген Әсән-Елга авылында яшәүче Каюм абый Җиһаншин үзенең 90 яшьлек юбилеен билгеләп үтте. Юбилярны район җитәкчесе Сергей Димитриев тәбрикләп, аңа Россия Президенты Владимир Путинның котлау открыткасын, үзенең Рәхмәт хатын, истәлек бүләкләре тапшырды. Шулай ук җирлек башлыгы Габделфәт Нәфыйков, “Әсәнбаш” агрофирмасының генераль директоры Илдар Гарифуллиннар да туган көн иясенә котлау сүзләрен ирештерделәр, бүләкләр бирделәр.

15 -18 июнь көннәрендә профсоюзларның Укыту-эзләнү үзәге укытучылары тарафыннан Кукмара бистәсендә эш урыннарында курнынычсызлык кагыйдәләрен саклау буенча укытулар оештырылды.

22 июнь көнне китапханәче Саттарова Лилия Раисовна социаль педагог Мубаракшина Диләрә белән берлектә балигъ булмаган балалар өчен “И снова в памяти война” дип аталган искә алу сәгате үткәрде. Әлеге чара ахырында 3Д форматында “Сталинград” дигән фильм күрсәтелде.

19 июнь “Тылсым” халыкка комплекслы ярдәм күрсәтү үзәгендә социаль педагог Мубаракшина Диләрә балигъ булмаган балалар белән “Эмоцияләр нигә кирәк?” дип аталган занятите үткәрде. Чарада мини-лекция, уен, рәсем ясау методлары кулланылды.

“Наркотикларсыз тормыш” акциясе кысаларында “Шәфкать” сәламәтләндерү үзәгендә дәвалау курсы узучы балалар С. Михалковның “Как медведь трубку нашел?” дип аталган әкиятен сәхнәләштерде.

Татарстан Президенты Рөстәм Миңнеханов тәкъдиме белән республика авылларында модульле ветеринария пунктлары төзү буенча махсус программа эшли башлаган иде. Әлеге программа кысаларында районыбызның Чишмәбаш авылында заманча ветеринария пункты ачылды.

“Президент белән бергә” программасы кысаларында “Шәфкать” сәламәтләндерү үзәгендә дәваланучы балалар 18 июнь көнне “Джамбо” дип аталган цирк тамашасын карадылар.

15 июнь көнне Важашур авыл Советының балигъ булмаганнар белән эшләү комиссиясе белән берлектә киңәйтелгән утырышы булды. Утырышка авыл Советы депутаталары, балалар бакчасы һәм кипатханә мөдире, фельдшер, мәктәп директоры һәм урынбасары, ата-аналар комитеты чакырылды. Социаль педагог Диләрә Мубаракшина «Профилактика безнадзорности и правонарушения среди несовершеннолетних» темасына чыгыш ясады.