ЯҢАЛЫКЛАР

6 нчы декабрь көнне  үзәк китапханә китапханәчесе Саттарова Лилия Рәис кызы һәм балалар китапханәсе китапханәчесе Гарифуллина Рәмзия Альберт кызы, Кукмара шәһәренең Ч.Т.Айтматов исемендәге гимназияның урта һәм югары сыйныф укучылары өчен, дөньякүләм танылган язучы, республикабыз өчен генә түгел, районыбыз өчен дә горурлык булган язучы Чыңгыз Айтматов һәм аның әнисе Нәгыймә ханым тырында “Аның язмышы - халык язмышы” дигән әдәби кичә үткәрделәр.

Кичә барышында китапханәчеләр укучыларны Ч.Айтматовның тормыш юлы һәм иҗаты белән таныштырдылар. Язучының әнисе, тамырлары белән безнең районнан булган Нәгыймә ханым турында бай, эчтәлекле  мәгълүмат җиткерделәр. Кичә  гимназия укучылары башкаруында әниләр турындагы  матур җырлар һәм шигырьләр белән үрелеп барды. Шулай ук язучы, аның иҗаты турында электрон презентация күрсәтелде.

5 декабрь көнне С.В. Михалков исемендәге үзәк балалар китапханәсендә Ч.Т.Айтматов исемендәге гимназиянең 1б сыйныф укучылары өчен Рәмзия Гарифуллина “Китапханә – могҗизалар иле” дип исемләнгән экскурсия-танышу үткәрде. Балалар китапханәнең төрле зоналары, китап күргәзмәләре, китапханә кагыйдәләре белән танышты, табышмаклар чиште, викторина сорауларына җавап бирде. Чара абонементта тәмамланды, балалар зур кызыксыну белән китаплар сайлады, уку өчен китаплар алды.

 “Ватан Геройлары-2024” акциясе кысаларында, Хәтер паркында С.В.Михалков исемендәге үзәк балалар китапханәсе китапханәчесе Асанова Алевтина 4 нче мәктәпнең 6б сыйныф укучылары өчен “Герой булып тумыйлар” дип аталган батырлык сәгате үткәрде. Балалар бу көннең барлыкка килү тарихы, 1812 елгы Ватан сугышы вакытыннан алып данлыклы орден йөртүчеләрнең исемнәре турында белделәр, якташ Советлар Союзы геройлары белән таныштылар, алар хөрмәтенә Хәтер Паркында урнаштырылган бюстларны карадылар.

    2024 елның 5 декабрендә Кукмара шәһәренең «Ягуар» һәм Апасның «Алтын Алка» командалары арасында 2013 елгы малайлар арасында хоккей буенча Татарстан Республикасы Беренчелеге матчы узды. Матч 5:0 исәбе белән «Ягуар» файдасына тәмамланды.

Ватан Геройлары көне алдыннан, хезмәт күрсәтү бүлеге китапханәчесе Гарипова Л.Д., 4нче урта мәктәпнең 11нче сыйныф укучылары өчен, «Геройлар даны белән горурланабыз» дигән тематик әңгәмә үткәрде. Балалар истәлекле датаның барлыкка килү тарихы турында кызыксынып тыңладылар, Бөек Ватан сугышы якташ-геройлары, бүгенге көн геройлары - махсус хәрби операциядә катнашучы хәрбиләр белән таныштылар, Ватан алдындагы казанышлар өчен бирелә торган бүләкләр турында белделәр.

4 декабь көнне уку залы китапханәчесе Сәлимова Т.Х., социаль ярдәм  үзәге “НАЗ” да ял итүче пенсионерлар өчен,  “Язмышлар язылганда” дигән әдәби сәгать  үткәрде. Чара барышында китапханәче шагыйрь, язучы, прозаик, драматург Фәнис Яруллин, якташыбыз шагыйрь Рәниф Шәрипов, җырчы, музыкант, Татарстанның  атказанган артисты Закир Шаһбанның тормышы һәм иҗаты беләнь таныштырып үтте. Биредә дәваланучы Хабибуллина Резида, Закирова Миннегөл  ханымнар, язучы, шагыйрь   Ф.Яруллинның, шагыйрь Р.Шәриповның туган якка, әниләргә   багышланган шигырьләрен укыдылар. Ял итүчеләр бергәләп Ф.Яруллин сүзләренә язылган “Иң гүзәл кеше икәнсез ” җырын  җырладылар. Чара ахырында видеоязмадан шагыйрә Гөлүсә Шаһбан сүзләренә язылган,  З.Шаһбан башкаруында “Син -  минем иң соңгы сөюем!” дигән җырны тыңладылар. Әлеге чара инвалидлар ункөнлегенә багышланды.

4 декабрь көнне, китапханә хезмәткәре Пахомова В.Г., «Пушкин картасы» проекты кысаларында Ч.Т. Айтматов исемендәге №1 гимназияның 8 «а» сыйныф укучылары өчен, «Әдәбият белгечләре» интеллектуаль уены үткәрде.

Татарстан Республикасы территориясендә метеорологик күренешләрнең интенсивлыгы турында консультация-кисәтү.

Үз эшчәнлеге турында белешмәләрнең ачыклыгын арттыру максатларында 2024 елның 12 декабрендә 12.00 сәгатьтән 16.00 сәгатькә кадәр Татарстан Республикасы буенча Роспотребнадзор Идарәсе республика территориясендәге идарәдә һәм Идарәнең 12 территориаль бүлегендә эшмәкәрләр өчен бердәм «Ачык ишекләр» көне оештыра. 
Эшмәкәрләрне «ачык ишекләр» бердәм көнендә алдан язылу буенча Татарстан Республикасы Кукмара районы халкы өчен 884(364) 2-72-05 телефоны буенча кабул итәчәкләр.