ЯҢАЛЫКЛАР

Район мәдәният йортында Әниләр көне уңаеннан бәйрәм концерты оештырылды. Анда Бөек Ватан сугышы ветераннарының тол калган хатыннары, күп балалы әниләр, тәрбиягә бала алып үстерүчеләр, иҗади гаиләләр тәбрикләнде. Бер гаиләгә ана капиталы сертификаты тапшырылды.

Район үзәк дәваханәсендә быел 21, 24, 27, 30, 33, 36, 39, 42, 45, 48, 51, 54, 57, 60, 63, 66, 69, 72, 75, 78, 81, 84, 87, 90, 93, 96, 99 яшь тулучыларга диспансеризация үткәрелә. Аны үткәрү срогы тәмамланырга ике атна вакыт калды. Үз сәламәтлеге турында кайгыртучылар бу көннәрдә район үзәк дәваханәсенә мөрәҗәгать итсеннәр иде.

Кукмара А.М. Булатов исемендәге күппрофильле лицеенда Дәүләт Советы рәисе җитәкчесе урынбасары Р.А. Ратникова һәм Район Башлыгы урынбасары Р.А. Каримуллина катнашында парламент дәресе узды. Әлеге дәрес сингапур методларын кулланып уздырылды.

Кукмара балалар сәнгать мәктәбенең Марат Хәсәнов җитәкчелегендәге тынлы оркестры Вятка Аланында узган “Өрәңге яфрагы” өченче халыкара конкурста катнашты һәм икенче урынны алды. Тамашачылар һәм жюри әгъзалары аерым башкаручылар Ильяс Сибгатуллин, Алия Курочкина, Газинур Гыйльфановларның, виртуоз уенчылар Земфира Юзмиева, Владимир Панковлар чыгышларын да бик ошаткан.

“Наркотикларсыз тормыш” республика акциясе кысаларында Мәмәшир авылы клубында КВН үткәрелде. Бәйгедә студентлар һәм авыл яшьләре командалары көч сынашты.

“Ватан” берләшмәсе” яшьләр иҗтимагый үзәге үзенең еллык эшенә хисап ясады. Анда алда торган бурычлар, Бөек Җиңүнең 70 еллыгын каршылау буенча чаралар планы хакында сөйләшенде. Әлеге чарада кукмаралылар да катнашты.

Югары Арбаш урта мәктәбенең 11 сыйныф укучысы Ландыш Салихова Татарстан Республикасы Яшьләр эшләре, спорт һәм туризм министрлыгы оештырган XIV "Иделем акчарлагы" яшь язучылар бәйгесендә катнашып сертификат белән бүләкләнде. Аңа киләчәктә дә күңел көрлеге һәм иҗади уңышлар телибез.

23 ноябрь көнне Березняк авыл җирлеге Камышлы авыл клубында “Каз өмәсе” үткәрелде. Әлеге чарада авыл үзэшчәннәре һәм мәктәп укучылары актив катнашты.

“Шәфкать” халыка социаль ярдәм күрсәтү үзәгендә дәвалану курсы узучы пенсионерлар өчен Кукмара үзәк китапханә хезмәткәре Салимова Тәскирә “Әнкәй җирдә зур кеше” дип аталган мара үткәрде. Әлеге чара Әниләр көненә багышлап оештырылды.

26 ноябрь көнне Район Башлыгы урынбасары җитәкчелегендә җирлек башлыклары белән чираттагы киңәшмә үтте.