ЯҢАЛЫКЛАР

2014 елның 31 октябрендә Кукмара мәгариф идарәсе Иҗади үсеш һәм гуманитар белем бирү үзәге тарафыннан Кукмаранын Ч.Т.Айтматов исемендәге 1 номерлы гимназиясендә районыбызның 8-11нче сыйныф укучылары арасында Рәфкәт Хәйруллин исеменә багышланган физикадан олимпиада узды. Район мәктәпләреннән 130дан артык бала катнашты.

Район мәгариф идарәсе, иҗади үсеш һәм гуманитар белем бирү үзәге Зур Кукмара урта мәктәбендә Зөфәр Гомәров истәлегенә татар теле һәм әдәбияты буенча олимпиада үткәрде.

Тугыз айлык эш нәтиҗәләре буенча район юл хәрәкәте иминлеге дәүләт инспекциясе хезмәткәрләре Салават Баймиев һәм Рөстәм Бариевларның экипажы икенче категориядә район бүлекләре экипажлары арасында Татарстанның “Иң яхшы экипажы” исеменә ия булды. Аларга күчмә вымпел һәм акчалата премия тапшырылды.

Һөнәри бәйрәмнәре уңаеннан полиция хезмәткәрләре арасында район эчке эшләр бүлеге начальнигы Рамил Нургалиев призына ату ярышлары узды. Беренче урынга район ведомстводан тыш сак бүлеге начальнигы Ленар Шәйхетдинов чыкты.

“Ялкын”да волейбол ярышлары үтте. Анда “Форпост”, “Район хакимияте”, “Эчке эшләр бүлеге җитәкчелеге”, “Криминаль полиция”, “Участок инспекторлары”, “Ведомстводан тыш сак бүлеге” командалары катнашты. Беренче урынга “Форпост” чыкты.

Кичә Лубян урман- техник колледженда Татарстан республикасы урман хуҗалыгы министрының урынбасары һәм Район Башлыгы Сергей Димитриев катнашында коллективка яңа директор тәкъдим ителде. Лубян урман-техник колледжын Данилов Афанасий Михайлович җитәкләячәк.

“Олимп” боз сараенда район ветераннары һәм эчке эшләр бүлеге хезмәткәрләре командалары арасында хоккей ярышы булды. 7:6 исәбе белән район эчке эшләр бүлеге командасы җиңү яулады.

“Наркотикларсыз тормыш” акциясе кысаларында 7 ноябрь көнне Ошторма Юмья авыл клубында Ошторма Юмья, Юске Юмья һәм Нырья авыллары командалары арасында КВН үткәрелде. КВН да мәктәп укучылары һәм студентлар катнаштылар.

Районда Мамадыш ветераннар советы делегациясе вәкилләре булып китте. Кунаклар тегү фабрикасы, металл савыт-сабалар заводы, киез итек-киез комбинатында, күппрофильле лицейда һәм районыбызның “Туган якны өйрәнү” музеенда булдылар. Музейда исә түгәрәк өстәл артында сөйләшү оештырылды.

30 октябрьдән 2 ноябрьгә кадәр “Олмип” Боз сараеның “Ягуар” командасы Минзәлә шәһәрендә шайбалы хоккей буенча 2006 елгы малайлар арасында узган Ачык беренчелектә катнаштылар. Кукмара, Минзәлә, Оренбург, Ижевск, Яр Чаллы командалары катнашты. Уен нәтиҗәләре буенча өченче урында Орнебург, икенче урында Кукмара, беренче урында Минзәлә командалары калды.