ЯҢАЛЫКЛАР

Безнең кечкенә генә Шепшеңәр авылында яшәүче Һәдия апа белән Хәсәнша абый Дәүләтшиннарның алтын туйлары булды. Бу гаилә авылыбыз халкы өчен ак әби белән ак бабай булып тора. Һәркем аларны хөрмәт итә. Алар кечесен-олысын аермыйча, тәүлекнең теләсә кайсы вакытында кешегә ярдәм итәргә әзер. Өч балалары да югары уку йортларында белем алып, гаилә корып, тормышта үз урыннарын табып яшиләр.

Кукмара поселогында күпкатлы йортларга капиталь ремонт ясау буенча федераль программа нигезендә эшләр башланып китте.

Совет гаскәрләренең Әфганстаннан чыгарылуына 25 ел тулу уңаеннан республикүләм үткәрелгән иншалар конкурсында Кукмара 4нче урта мәктәбенең 8 сыйныф укучысы Данил Нәҗмиев җиңү яулады.

“Шәфкать” сәламәтләндерү үзәгендә ел саен февраль аенда Ватанны саклаучылар көненә багышланган чара үткәрелә. Быел бу бәйрәмгә “Ягез әле, егетләр” чарасы әзерләнде.

Бүген район Советының зур залында крестьян-фермер хуҗалыклары башлыклары белән киңәшмә үткәрелде.

Кукмара “Шәфкать” сәламәтләндерү үзәгендә ӀӀ группа тәрбиячеләре тозлы камырдан поделкалар ясау буенча түгәрәк алып баралар. Тәрбиячеләр һәр балага аерым якын килеп эшлиләр.

Кукмара “Шәфкать” сәламәтләндерү үзәгендә чираттагы медсовет үтте. Ул медико-социаль реабилитация бүлегенең узган елгы эшчәнлегенә йомгак ясауга багышланган иде.

Манзарас авылы гомуми урта белем бирү мәктәбендә техник иҗат күргәзмәсе оештырылды. Укучылар күргәзмә эшендә актив катнашып, судо-модель, авиа-модель, лего-модель буенча эшләрен тәкъдим иттеләр.

24 февраль көнне Вятка Аланы шәһәрендә “Вятка осталары” дип аталган регионара конкурс үткәрелде. Кукмара 4нче номерлы мәктәбе укучылары Мингазова Зөһрә, Гавәлиева Нәфисә, Шакирзянов Булат технология укытучысы А. Якупова җитәкчелегендә әлеге ярышта катнашып призлы икенче урын яуладылар.

Кукмара 4нче номерлы мәктәбендә татар теле һәм әдәбияты атналыгы бара. Ул телләр көнен билгеләп үтү белән башланды.