Экскурсия дежур бүлектән башланды
Бүген, 2019 елның 4 декабрендә, Кукмара муниципаль районындагы мөмкинлекләре чикләнгән балалар һәм яшүсмерләр өчен «Шәфкать» тернәкләндерү үзәгендә тәрбияләнүчеләр инвалидлар декадасы кысаларында полиция бүлегенә бардылар.
Экскурсия дежур бүлектән башланды. Полиция хезмәткәрләре балаларга эш режимы, телефон линияләре, полиция бүлегенең һәр структур бүлекчәсенең функцияләре турында сөйләделәр. Полиция хезмәткәрләре шулай ук заманча коралны күрсәттеләр. Шулай ук балаларга каска һәм бронежилет кияргә рөхсәт иттеләр.
Полиция бүлеге тарихы бүлмәсе балаларда аеруча зур тәэсир калдырды. Музейда алар район эчке эшләр бүлеге тарихы белән таныша алдылар һәм хәтта кулларында Бөек Ватан сугышы чоры коралларын тота алдылар.
Полиция бүлегенә бару балаларда онытылмас тәэсирләр калдырды, күбесе киләчәктә полиция хезмәткәрләре булырга теләк белдерделәр. Балалар очрашудан канәгать калдылар, полиция хезмәткәрләренең кызыклы экскурсиясе өчен рәхмәт белдерделәр.