Кукмарада спорт ветераны Кадрия Заһидуллина истәлегенә өстәл теннисы буенча район чемпионаты узды
Ярышта 30 һәм аннан да өлкәнрәк яшь категориясендә көч сынаштылар.
Кукмара шәһәренең «Барс Арена» спорт-сәламәтләндерү комплексында Заһидуллина Кадрия Шәрифулла кызы истәлегенә өстәл теннисы буенча район чемпионаты узды.
Кадрия Заһидуллина Кукмара үзәк дәваханәсенең хирургия бүлегендә өлкән шәфкать туташы булып эшләгән.
«Ул спорт белән актив шөгыльләнде – өстәл теннисы, волейбол, баскетбол уйнады, чаңгыда йөрде. Төрле ярышларда район данын яклый иде. Көчле холыклы булды, барысына да үзе иреште. Спорт белән шөгыльләнергә һәрвакыт вакыт тапты», - дип дусты турында хатирәләре белән уртаклашты Наилә Хәбибуллина.
Ярышта 30 һәм аннан да өлкәнрәк яшь категориясендә көч сынаштылар. Район башлыгы Сергей Димитриев та теннис уенында катнашты.
Фото: Эльвира Иванова/ «Хезмәт даны»
Тулырак: http://kukmor-rt.ru/news/k%D3%A9n-temasyi/kukmarada-sport-veterany-kadriia-zahidullina-istalegena-ostal-tennisy-buenca-raion-cempionaty-uzdy