Кукмара үзешчәннәрен Мамадышта яратып каршыладылар

Кукмара районы үзешчәннәре – җырчылар, гармунчылар, биючеләр Мамадыш районының Шәдче авылы мәдәният йортында  “Эх, Кукмара, Кукмара, ерагаймасын ара” дигән концерт программасы белән чыгыш ясадылар. Авыл халкы кукмаралыларны тулы зал белән каршылады, һәр чыгышны көчле алкышларга күмеп, җыр-моңнарын яратып кабул итте. Безнең үзешчәннәрне  “Тагын килегез!”  дип  чакырып калдылар. Бу хакта район мәдәният йорты методисты Фәрзия Салләмова хәбәр итте.