ЯҢАЛЫКЛАР

Янил урта мәктәбендә инде 22 нче тапкыр волейбол ярышлары үткәрелеп килә. Абдуллин Рәфкать абый башлап җибәргән уеннарны Фахрутдинов Рифкать абый дәвам итте. Ул инде 17 ел әлеге ярышның иганәчесе дә булып тора.

Югары Арбаш мәктәбендә “Хезмәт даны” газетасына – 85, “Салават күпере” иҗат берләшмәсенә 45 ел тулу уңаеннан укытучылар һәм укучылар коллективы белән очрашу узды. Анда ветеран журналист Рәшит Миннегалиев, Харис Мостафин, Мәгъмүрә Мәрданова, Роза Хуҗиева, Розалия Садриевалар катнашты. Әлеге чара җанлы әңгәмә һәм шигырьләр уку белән үрелеп барды. Очрашуны китапханәче Гөлия Габитова оештырды.

Район Мәдәният йортында узган чарада уку алдынгылары, фән олимпиадаларында, конференцияләрдә, спорт ярышларында, мәдәни чараларда актив катнашкан укучыларны, аларның әти-әниләре һәм укытучыларын тәбрикләделәр.

24 апрель көнне Туембаш авыл китапханәсе “Изге эшләр көнендә” катнашты.

22 апрель көнне Нырты авылы китапханәчесе укучылар белән берлектә тыл ветераны Фаттахова Сания әбигә ярдәм иттеләр.

23 апрель көнне игелек атнасы кысаларында Зур Сәрдек мәдәният хезмәткәрләре һәм китапханәче Наилә Шакирова юл кырыендагы чүпләрне җыештырып игелекле эш башкардылар.

Югары Арбаш авылы мәдәният хезмәткәрләре Ватан сугышында һаләк булган авылдашларына хөрмәт йөзеннән һәйкәлләрне һәрвакыт төзекләндереп, чистартып торалар.

24 апрельдә Чуллы авылы китапханәчесе Венера Хаҗиева изгелек атнасы кысаларында мәктәп укучылары белән бергәлектә олы яшьтәге әби-бабайларның өйләрен җыештыруда булышлык күрсәттеләр. Шулай ук китапханәче Габдулла Тукайның туган көненә багышлап 4-8 нче сыйныфлар өчен “Без Тукай оныклары” дип исемләнгән шигырь конкурсы үткәрде. Укучылар язучының тормыш юлы, китаплары турында киң мәгълүматлы булдылар.

24 апрель көнне Аш-Буҗи авылы китапханәчесе Алсу Ярмиева “Язгы шәфкатьлелек” атнасы кысаларында “Игелекле эшләр” көне уңаеннан тыл ветераны Файзуллина Зөләйха апа белән очрашуга барды, Георгий тасмасын бүләк итте. Аның белән сугыш хәтирәләрен искә төшереп, тыл хезмәте турында әңгәмә корылды.

24 апрельдә Янил авылы китапханәчесе Гөлнур Галимуллина мәрхәмәтлелек атнасы кысалары уңаеннан тыл ветераннары белән очрашты. Аларга “Георгий” тасмалары өләшеп, изге теләкләрен җиткерде. Шулай ук сугышта вафат булучыларга хөрмәт күрсәтү йөзеннән һәйкәл алдын чистартуга үз өлешен кертте.