ЯҢАЛЫКЛАР

20 апрельлдән барлык өстәмә белем бирү учреждениеләрендә язгы мәрхәмәтлелек атнасы башланды. “Олимп” боз сараенда “Дуслык иленә сәяхәт” дип аталган класс сәгате үтте.

19 апрель көнне “Олимп” боз сараенда 2003-04 елда туган малайлар арасында, Бөек Җиңүнең 79 еллыгына багышланган хоккей турниры булды. Ярышларда 3 команда катнашты. 1 урынны “Олимп”, 2 урынны – “Ак Бүре”, 3 урынны – “Ягуар” командалары яулады.

20-27 апрель көннәрендә Татарстан Республикасында Язгы мәрхәмәтлелек атнасы үткәрелә. Әлеге акция кысаларында күп төрле мероприятиеләр үткәреләчәк.

Район җитәкчесе Сергей Димитриев һәм район Башлыгы урынбасары Равия Каримуллина Чишмәбаш авылында гомер кичереп, хәзерге вакытта кызы гаиләсендә Уразайда яшәүче Мәдинә апа Каюмованы 90 яшьлек юбилее белән котладылар. Аңа Россия Президентының котлау открыткасын, район җитәкчесенең Рәхмәт хатын һәм истәлек бүләге тапшырдылар.

18 апрельдә “Змлант” спорт комплексында X укучылар Спартакиадасының баскетол буенча финал уеннары узды. 1 урында Алексеевск, 2 урында – Кукмара, 3 урында – Аксубай командалары калды.

Мәмәшир авылында яшәүче Галимова Бибигайша Галимулловнага 19 апрель көнне 90 яшь тулды.
Зур юбилее белән аны район җитәкчесе Сергей Димитриев, аның урынбасары Равия Каримуллина һәм җирлек башлыгы Илгиз Ахметзянов котлады. Юбилярларга Россия Президентының  котлау открыткасы, район җитәкчесенең Рәхмәт хаты һәм истәлек бүләкләре тапшырылды.

17 апрельдә үзәк китапханәдә “Современница” клубының чираттагы утырышы узды. Утырышның темасы: крючок белән бәйләргә өйрәнү.

Югары Утар авылындагы акылга зәгыйфь балалар интернат-йорты коллективы район Мәдәният йортында кукмаралыларга “Вәгъдә бүләге” дигән тамаша тәкъдим итте. Залда алма төшәр урын да юк иде. Күршеләребезнең чыгышлары һәркем тарафыннан яратып кабул ителде, көчле алкышларга күмелде.

Манзарас авылындагы “Әкият” балалар бакчасында мәктәпкә әзерлек һәм зурлар төркеме катнашында бик матур чара узды. “Алисә маҗаралары” дип аталган әкияти тамашаның үзенчәлеге шунда: ул тулысы белән инглиз телендә үткәрелде.