ЯҢАЛЫКЛАР

23 октябрь көнне “Шәфкать” халыкка комплекслы социаль ярдәм күрсәтү үзәгендә “Не оступись” программасы кысаларында “Гаилә кыйммәтләре” дип аталган чара үткәрелде. Әлеге чарага христиан дине вәкиле отец Сергей чакырылган иде. Балигъ булмаганнар белән эшләү бүлегендә учетта торучылар һәм социаль яктан куркыныч хәлдәге яшүсмерләр белән ул тормыш, гаилә кыйммәтләре, башка рухи-әхлакый сыйфатлар турында әңгәмә үткәрде.

22 октябрь көнне “Клуб именинников” проекты кысаларында “Тылсым” халыкка комплекслы социаль ярдәм күрсәтү үзәге педагогы Ахмадеева М.Р. күп балалы, аз керемле гаилә балалары белән чәй эчү оештырды. Балалар бер-берсе белән аралаштылар, уеннарда һәм конрурсларда катнаштылар. Спонсорлар әзерләгән бүләкләргә ия булдылар.

22 октябрь көнне китапханәче Гәйнетдинова Н.Ш. бөек рус язучысы Михаил Юрьевич Лермонтовның тууына 200 еллыгына багышлап Кукмара №1 Гимназиясенең 7 сыйныф укучылары белән презентация-дәрес үткәрде. Балалар язучының тормыш юлы, иҗаты белән таныштылар. Шулай ук, китап күргәзмәсе оештырылган иде.

“Миләшкәй” 9 нчы номерлы балалар бакчасында музыка укытучылары өчен семинар-практикум үткәрелде. Музыка укытучысы Яруллина Гөлшат Райнуровна ачык дәрес күрсәтте. Әлеге дәрес күтәренке рухта үтте, балалар да бик актив булды. Чарада Кукмара бистәсе балалар бакчалары музыка укытучылары катнашты.

Кукмара №1 Гимназиясенең “Яшь коткаручылар” отряды 15-18 октябрь көннәрендә Казанда ВПК ның XI слетында район данын яклады. Ярышларда республикадан 18 команда катнашты. Барлык төр ярышларда уңышлы чыгыш ясап, “Яшь коткаручылар” командасы гомуми зачетта призлы 2 урынга лаек булдылар. Калашников автоматы һәм пневматик винтовка белән бүләкләнделәр.

Мәчкәрә авыл клубында даими рәвештә мәдәни чаралар үткәрелеп тора. Күптән түгел “Уйнагыз, гармуннар” кичәсе үтте, анда 30лап гармунчы катнашты. Октябрь аенда “Сандугач чишмәсе” ачу тантанасы һәм Өлкәннәр көне зурлап үткәрелде.

17 октябрь көнне Кукмара №4 мәктәбендә психологларның фәнни-гамәли семинары узды. Мәктәпнең педагог-психологы Мөхәммәтярова Г.Г. 7А сыйныфы укучылары белән тренинг элементлары кергән “Толернт булырга өйрәнәбез” дип аталган дәрес үткәрде.

“Зилант” спорт мәктәбендә шөгыльләнүче егетләр дзюдо буенча Татарстан беренчелегендә катнашып кайттылар. Айрат Шәңгәрәев (81 килограммлы үлчәү авырлыгы) - икенче урынны, Ленар Шәйфетдинов (46 килограмм) – өченче, Илназ Закиров (55 килограмм) бишенче урыннарны алдылар.

Мәскәүдә Россиякүләм 16нчы “Алтын көз” агросәнәгать күргәзмәсе үткәрелде. Бертуган Бариевларның гаилә фермасы күргәзмәгә үзләре җитештергән ясалма кәрәз, бал ипие, “Кукмара балы”н тәкъдим иткәннәр иде. Әлеге продукцияләргә югары бәя бирелеп, аларга алтын медаль белән “Югары сыйфатлы умартачылык продукциясе” өчен дигән Диплом тапшырылды.

Алабуга шәһәрендә Алабуга районы башлыгы призына “Б” класслы бокс буенча XII гомумроссия турниры узды. “Зилант” спорт мәктәбеннән тренер-укытучылар Ленар Галеев һәм Ленар Әүхәдиев кул астында шөгыльләнүче Искәндәр Хөснетдинов (46 килограмм) - 1 урын, Таһир Нуртдинов (30 килограмм), Вальмир Манапов (43 килограмм) 5 урыннарны алып кайттылар.