ЯҢАЛЫКЛАР

“Олимп” балалар һәм яшүсмерләр спорт мәктәбе 2008, 2009, 2010 елгы балаларны фигуралы шуу һәм шайбалы хоккей бүлекләренә чакыра. Фигуралы шуу буенча тренер-укытучы Пантелеев Игорь Олегович. Белешмәләр өчен телефон: 2-67-44.

14 октябрь көнне Байлар Сабасы бистәсендә Татарстан Республикасы экономика Министрлыгы Сәүдә-сәнәгать палатасы белән берлектә “Бизнеска атлыйбыз” дип аталган бизнес-конференция үткәрде. Әлеге конференциядә Кукмара муниципаль районыннан яшь эшмәкәрләр Димитриев Роберт, Мониров Азат, Гайнетдинов Таһирләр катнашты.

Район җитәкчесе Сергей Димитриев, район социаль яклау бүлеге җитәкчесе Светлана Җамалиевалар, юбилярның өендә булып, үзләренең матур теләкләре аша аны туган көне белән котладылар, Россия Президенты Владимир Путинның Котлау хатын һәм истәлек бүләге тапшырдылар.

“Зилант” спорт комплексында 2002-2003 елгы балалар арасында стритбол буенча ярышлар үтте. Әлеге ярышларда 8 кызлар һәм 13 малайлар командасы катнашты. 1 урынга кызлар һәм малайлар командалары буенча Кукмара №4 мәктәбе укучылары лаек булды.

13 октябрь көнне Мәмәшир авылы мәдәният йортында Халыкара Өлкәннәр көненә багышланган концерт оештырылды. Шулай ук, кунаклар өчен чәй өстәле әзерләнгән иде.

Алабуга шәһәрендә татар милли көрәше буеча 1996-1997 елда туган егетләр арасында “Татарстан яшьләре” газетасы призына республика беренчелеге үтте анда безнең район командасы беренче урынны яулады. Шимбә көнне район җитәкчесе Сергей Димитриев турнирда җиңү яулаган көрәшчеләрне, аларның тренерларын кабул итте, Кукмара данын республикада тагын бер кат танытулары өчен рәхмәт белдереп акчалата бүләк тапшырды.

“Шәфкать” сәламәтләндерү үзәгендә район эчке эшләр бүлегенең балигъ булмаганнар белән эшләү үзәге хезмәткәре Зиганшин Ильнар Ильсурович белән очрашу булды. Ильнар Ильсурович “Җинаять артыннан җәза” дигән темага әңгәмә үткәрде.

11 октябрь көнне Казан шәһәренең Габдулла Тукай исемендәге Татар Дәүләт филармониясендә ветераннар арасында узган “Балкыш-Сияние” III Республикакүләм фестивале лауреатларының гала концерты узды. Кукмара районыннан “Ләйсән” вокаль ансамбле (җитәкчесе Гиниятуллина З.Г.) һәм “Баламишкин” гармунчылар ансамбле (җитәкчесе Зарипов И.Р.) катнашты.

Үрәсбаш ярдәмче хуҗалыгында малларны кышлату чоры, көзге кыр эшләрен төгәлләү, техниканы саклауга кую һәм ремонт эшләрен башлап җибәрү мәсьәләләренә багышланган семинар-киңшмә үткәрелде. Үрәсбашта быел бөртеклеләрнең һәр гектарыннан уртача 27,5 центнер уңыш җыелган, 11 мең тонна сенаж белән силос салынган. Һәр сыердан көнгә уртача 10 килограмм сөт савыла. Бу хуҗалыкка да, агрофирмаларга да сөт җитештерүне арттыру буенча төгәл бурыч куелды.

1 октябрьдән 10 кадәр авыл клубларында халыкара Өлкәннәр көненә багышланган чаралар уздырылды. 6 октябрь көнне Югары Шөн авылы клубында өлкәннәр өчен концерт куелды һәм чәй эчү оештырылды.