ЯҢАЛЫКЛАР

28 сентябрьдә “Зилант” спорт мәктәбендә 2002-2003 елгы балалар арасында стритбол буенча ярышлар узачак. Башлана 8.30 сәгатьтә.

Әсән-Елга авылы китапханәсендә киң катлам укучыларга “Киләчәк – экстремизмсыз, Экстремизм – киләчәксез” дигән китап күргәзмәсе төзелде һәм обзор ясалды.

Әлеге төр азык культурасы быел 8797 гектарда игелгән иде. Явым-төшемнәрнең мул булуы нәтиҗәсендә уңыш яхшы булды. Авыл хуҗалыгы һәм азык-төлек идарәсеннән алынган мәгълүматларга караганда, 2750 гектарда кукуруз җыелып, 35 мең тонна силос салынды.

Бүген, 22 сентябрьдә, Кукмара районы Советының чираттан тыш 37нче сессиясе үткәрелде. Аның эшендә Татарстан Республикасы Премьер-министры Илдар Халиков катнашты.

19-20 сентябрьдә Казахстан Республикасының Астана шәһәрендә Татарстан Республикасы көннәренә багышланган чаралар узды. Бәйрәм программасында Тынычлык һәм татулык сараеның Опера залында Татарстанныңсәнгать осталары гала-концерты, “Хан-Шатыр” сәүдә-күңел ачу үзәге янындагы мәйданда сабантуй, Татарстан Республикасының сәнәгать һәм авыл хуҗалыгы продукциясе күргәзмәсе һәм анда куелган продукцияне сату, Татарстан артистлары концерты, сәүдә күргәзмәсе һәм башкалар бар иде.

Кукмарада “Милләтләр кроссы-2014” үткәрелде. Ярышта катнашучылар яшь категорияләрен бүленеп, 1 чакрым арага бүленеп үзләрен сынап карадылар.

Җиңү паркы каршындагы мәйданда районыбызның мәгариф учреждениеләре катнашында күргәзмә-ярминкә булды. Балалар бакчалары, мәктәпләр, социаль үзәкләр халыкка үзләре үстергән җиләк-җимеш, яшелчә тәкъдим итте. Ярминкә концерт программасы белән үрелеп барды.

“Восток” хуҗалыгының көтү яңарту технологы Азат Гәрәев шушы һөнәр ияләре арасында үткәрелгән 37нче республика конкурсында катнашып, 1 урынны яулаган һәм Татарстан авыл хуҗалыгы һәм азык-төлек министрлыгының I дәрәҗә Дипломы белән бүләкләнгән иде.

10 сентябрьдән 14 октябрьгә кадәр коммерцияле булмаган оешмалар грант отуга гариза тапшыра ала. Быел бу эшкә бюджеттан 24 миллион сумга якын акча бүленеп биреләчәк. Оештыручылар бу эштә авыл җирлегендә яшәүчеләр дә активрак катнашсын дигән теләк белдерде, дип яза “Ватаным Татарстан” газетасы. Социаль проблемаларны хәл итә торган оешмаларга акчалата ярдәм күрсәтү 2006 елда башланды.

27 сентябрьдә, сәгать 9.00-18.00дә Россиянең Татарстан Республикасы буенча 10нчы санлы районара салым инспекциясе салым түләүче физик затлар өчен “Ачык ишекләр” көне үткәрә.