ЯҢАЛЫКЛАР
21 сентябрь көнне уку залы китапханәчесе Заһидуллина Г. Ф. «Милосердие» тернәкләндерү үзәгендә тәрбияләнүчеләр өчен «Кара диңгез киңлекләре» дигән мәгълүмат сәгате үткәрде. Гөлнара Фәрит кызы тыңлаучыларны Кара диңгезнең төрле табигый үзенчәлекләре, аның байлыклары һәм кешеләре белән таныштырды, Кара диңгезгә кагылышлы кызыклы фактлар китерде. Чара ахырында «Диңгез тормышы» дигән викторинасы үткәрелде.
2022 елның 16 сентябреннән 18 сентябренә кадәр Мирный бистәсендә узышчы чаңгычылар арасында Татарстан Республикасы беренчелеге уздырылды. Тренерлар Илфар Сәлахов һәм Алексей Рамазановның шәкертләре чаңгыероллерда һәм кросста катнаштылар.
2022 елның 17 сентябрендә Бөтендөнья пациентлар куркынычсызлыгы көне кысаларында тренер Таһир Нурмөхәммәтов «дару препаратларын куркынычсыз куллану»дигән темага әңгәмә үткәрде.
Ишегалды көне
Милек салымын түләргә онытмагыз
Биредә күчмә киңәшмә оештырылып, анда быел үткәрелгән Сабан туена нәтиҗә ясалды һәм 2023 елда планлаштырылачак милли бәйрәмгә хәзерлек мәсьәләләре каралды.
16 сентябрь көнне Кукмара үзәк китапханәсендә “Салават күпере” клубының чираттагы утырышы булды. Әлеге утырыш Кәрим Тинчуринның тууына 135 ел тулуга багышланды. Китапханәче Саттарова Лилия Рәис кызы кунакларны Кәрим Тинчуринның катлаулы, вакыйгаларга бай тормыш юлы, бай иҗаты белән таныштырды. Шулай ук К.Тинчурин турында электрон презинтация, Татар энцеклопедиясе тарафыннан эшләнгән фильм күрсәтелде.
Утырыш ахырында якташ язучылар үзләренең җәйге хисләре, эшләгән эшләре белән уртаклаштылар, яңа иҗат иткән әсәрләрен укыдылар.
15 сентябрьдә район үзәк китапханәсендә, «Современница» хатын-кызлар клубының җәйге яллардан соң чираттагы очрашуы булды. Клуб җитәкчесе Пахомова В. Г. «Көзнең бәллүр чыңлавы» дип аталган әдәби-музыкаль кичә әзерләде. Чарада көз турында шигырьләр һәм җырлар яңгырады, катнашучылар елның әлеге гүзәл вакытына багышланган төрле уеннарда, конкурсларда һәм викторинада катнаштылар, презентацияс карадылар.
Татарстан Республикасы Дәүләт архив эше комитеты «гаилә архивын тапшыр»дигән республика конкурсы игълан итте.
2022 елның 15 сентябрендә Кукмара муниципаль районындагы мөмкинлекләре чикләнгән балалар һәм яшүсмерләр өчен «Милосердие» реабилитация үзәгендә процедура шәфкать туташы Гайнанова Дамира Газиз кызы «Ашказаны-эчәк авыруларын профилактикалау» дигән темага реабилитация узучы балалар белән чираттагы «Медицина сәгате» үткәрде.