ЯҢАЛЫКЛАР
Березняк авылы китапханәчесе мәдәният хезмәткәрләре белән берлектә, татар халкының гореф-гадәтләрен яңарту максатыннан “Зәрә боткасы” бәйрәме үткәрде.
Арпаяз авылы клубында "Күңелле балачак "дигән бәйрәм концерты булды
Май бәйрәмнәрендә Мәмәшир авыл халкын мәдәният йорты үзешчәннәре Г.Зэйнашеваның "Гайфи бабай,өйлән давай!" исемле спектаклен куеп, рәхәтләнеп ял иттерделэр.
1 Май бәйрәме көнне Березняк авылында " Зәрә боткасы" пешерү оештырылды. Авылыбызның кечесе-олысы ботка ашадылар, татар халык уеннарын уйнадылар, экология елына багышланган " Могҗизалар кыры" уенында катнаштылар. Бәйрәм күңелле булды
1 май көнне Аш-Буҗи авылында мәдәният йорты хезмәткәрләре “Карга боткасы” бәйрәме уздырды. Чишмә янында балалар тәмле боткадан һәм кызарткан йомыркалардан авыз иттеләр. Балаларга күчтәнәчләр өләшенде. Балалар рәхәтләнеп ял иттеләр.
Тат-Тулба авылы китапханәчесе клуб хезмәткәләре белән берлектә авыл башындагы чүплек урынын чистартуда, агач утырту акциясендә бик теләп катнаштылар.
Трыш авылы китапханәчесе 1-7 сыйныф укучылары белән берлектә бөек шагыйрь Габдулла Тукайнын тууына 131 ел тулу унаеннан "Без Тукайлы халык" дип исемләнгән әдәби- тематик кичә уздырды.
Трыш һәм Пычак авылы китапханәчеләре онытылып бара торган халкыбызның йола- бәйрәмнәрен торгызу һәм яңарту максатыннан
“Зәрә” бәйрәме үткәрде. Балалар өйдән-өйгә кереп такмак әйтеп ярма җыеп, шул җыелган ярмалардан ботка пешереп ашадылар. Бәйрәм төрле кызыклы мавыктыргыч уеннар"Кашыкка йомырка кабып йөгерү, эстафета, җыр-бию,туп тәгәрәтү, “Ал кирәк гөл кирәк”, “Капкалы” уенын уйнап үрелеп барды.
Районыбызның мәдәният йорты хезмәткәрләре бәйрәм ялларында авыл халкы өчен "Зәрә бәйрәмнәре" үткәрде. Әлеге бәйрәм кысаларында "Дәрә боткасы" пешерелде, йомырка җыю күркәм традициясе оештырылды.
(фотода-Пычак авыл клубы)
29 -апрель көнне Югары Шәмәрдән авылы клубында бөек шагыйрь Габдулла Тукайнын тууына 131 ел тулу унаеннан "Без тукай оныклары" дип исемләнгән әдәби- тематик кичә узды. Чара кысаларында балалар, әдипнең әкиятләрен сәхнәләштереп, аның шигырләрен сөйләделәр, җырларын җырладылар. Тамашачылар бәйрәмне бик җылы кабул итеп, көчле алкышларга күмде.