ЯҢАЛЫКЛАР

Татар Толлысы, Иске Оча, Үрәсбаш, Чишмәбаш авылы китапханәләрендә Балаларны яклау көне уңаеннан “Эх, күңелле балачак” дип исемләнгән кичәләр үтте. Китапханәчеләр бәйрәм белән тәбрикләгәннән соң, балаларны әлеге көн тарихы белән таныштырды. Шулай ук алар җәйге ялларда китап укучыларны китапханәгә дәште. Соңыннан балалар белән күңелле уеннар үткәрелде.

 Пычак авылы китапханәчесе Фирдәүсә Галимова төрле яшьтәге китап укучылар өчен “Яңа китап-яңа дус” дип исемләнгән әңгәмә үткәрде. Балалар китапханәгә кайткан яңа китаплар белән танышты, шулай ук алар китапларны кычкырып укуда катнашты. Соңыннан балалар төрле уеннар уйнады.

Аш-Буҗи авылы китапханәсендә "Заманына күрә һөнәре дип исемләнгән әңгәмә үткәрелде. Максаты: укучыларны һөнәрләр белән якыннан таныштыру, һөнәр сайлаганда укучыларга булышу. Әңгәмә барышында китапханәче укучыларга бүгенге көндә мөһим булган һөнәрләр турында сөйләде. Әңгәмә соңында укучылар тест сорауларына җавап бирде.

Березняк авылы китапханәчесе 7-8 нче  сыйныф укучылары өчен  “Һава, су, кояш. Җәйге чорда сәламәтлегеңне кайгырт ” дип исемләнгән әңгәмә үткәрде. Әңгәмә барышында сәламәтлекне саклау, суның, һаваның, кояшның файдасы турында сөйләнелде. Балалар үзләрен кызыксындырган сорауларына җаваплар да алды. Экологик темага багышланган китап – журналларга күзәтү үткәрелде.

Балаларны яклау көне уңаеннан, Важашур авылы китапханәчесе клуб хезмәткәрләре белән бергәлектә төрле яшьтәге балалар өчен “Һәрвакыт булсын кояш” дип исемләнгән кичә үткәрде. Кичә барышында балалар төрле уеннар уйнады, викторина сорауларына җавап бирде.

Каенсар авылы китапханәсе “Бәхетле балачак” дип исемләнгән рәсем конкурсы үткәрде. Әлеге  конкурс балалар өчен үзләренең сәләтләрен күрсәтергә яхшы мөмкинлек булып тора. Бу аларның иҗади эшчәнлекләренең соңгы адымы булмас дип ышанып калабыз.

Балаларны яклау көне уңаеннан Купка, Яңа-Сәрдек авылы китапханәчеләре “Бәхетле балачак”, “Рәхим ит балачак иленә” дип исемләнгән бәйрәм – тамаша үткәрде.Бәйрәм табигать кочагында төрле спорт уеннары белән дәвам итте.

Яңа Сәрдек авылы китапханәчесе ”Без тәмәкегә каршы” дип аталган түгәрәк өстәл артында әңгәмә үткәрде. Наркотиклар куллануның кайтарып ала алмаслык авыр нәтиҗәләргә китерүе турындагы әңгәмәдә аның тискәре якларын мөмкин кадәр тулырак ачарга омтылды.

Балаларны яклау көне уңаеннан Мәмәшир авылы китапханәчесе мәдәният йорты белән берлектә балалар өчен “Кече Сабантуй” үткәрде.Бу бәйрәм милли –йолаларыбызны, гореф гадәтләребезне искә төшерү максатыннан үткәрелде.

Халыкара балаларны яклау көне уңаеннан Урәсбаш авылы китапханәчесе “Күңелле балачак” бәйрәм – тамаша үткәрде.Бәйрәм табигать кочагында спорт ярышлары «Йомырка кабып йогеру», «Чүлмэк вату», «Аркан тартышы», «Ераклыкка йөгерү», «Скакалка сикерү», «Корзинга туп кертү»кебек уеннар белән дәвам итте.Катнашучыларга истәлекле бүләкләр тапшырылды.