ЯҢАЛЫКЛАР

28 май көнне “Наркотикларсыз тормыш” акциясе кысаларында Өлге авылы китапханәсендә “Без каршы” дип аталган рәсем конкурсы үтте. Әлеге чарада кече сыйныф укучылары катнашты.

27 май көнне район мәдәният йортында мәдәният хезмәткәрләре белән кидәшмә үткәрелде. Киңәшмәдә мәдәният учреждениеләре эшчәнлегенә багышланган сораулар, җәйге чорга план каралды.

27 май көнне район мәдәният йортында “Җырлы – биюле яз” дип исемләнгән отчет концерты булды. Программада “Акварель” һәм “Асылъяр” хореографик ансамбльләренең җырга – биюгә булган осталыкларын күрсәттеләр. Шулай ук “Калинка” җыр ансамбль , “ЕВВА” квартеты һәм төрле буын аерым җырчылыр катнашты. Концерт тамашачылар тарафыннан югары бәяләнде.

Туембаш җирлегендә күп төрле төзелеш эшләре алып барыла. Чуллы авылында “Чиста су” программасы буенча су кертелде, юл ремонтланды. Туембаш авылында республика программасы буенча 60 урынга балалар бакчасы төзелә. Шулай ук, үзара салым акчасына 1100 м озынлыгында юл ремонты эшләре башкарылды. Спонсорлар ярдәме белән яңа мәчет төзелеше ахырына якынлаша.

23 май көнне Лаеш районының Никольское авылында узган “Каравон – 2015” XXIII Бөтенрусия рус фольклоры фестивалендә Кукмара районыннан “Калинка” ансамбле катнашты.

-Бу көнне без энергияле, инициативалы, иҗади, үз эшләрен булдырып, югары үсешкә ирешә алган кешеләрне хөрмәтлибез, - диелә котлауда. - Эшмәкәрлек – районыбызның социаль-иктисадый секторының алыштыргысыз өлеше.

Районыбызның күп кенә мәктәпләрендә "Соңгы кыңгырау" бәйрәмнәре үтте. Быел районда 391 укучы 11 сыйныфны тәмамлап олы тормыш юлына аяк баса. Тугызынчы сыйныфны исә 623 егет һәм кыз тәмамлый. Ак юллар сезгә, чыгарылыш укучылары!

Агымдагы елның 13 сентябрендә Татарстан Президентын һәм җирле үзидарәнең вәкиллекле органнары депутатларын сайлаулар була. Сайлаулар районыбызның бер шәһәр һәм 29 авыл җирлегендә узачак. Депутатлыкка кандидат булырдай иң лаеклы шәхесләрне ачыклау өчен, “Бердәм Россия” партиясе фирка эчендә алдан тавыш бирүләр оештыра.

20 май көнне Сәрдекбаш, Село Чура, Урта Коимар авыл җирлекләрендә “Бердәм Россия” партиясе праймеризы үтте.

Кукмарада яшәүче Димитриева Рукия Гөмәр кызына 90 яшь тулды. Юбилярны район Башлыгы урынбасары урынбасары Равия Каримуллина, район социаль яклау бүлеге җитәкчесе Светлана Җамалиевалар котладылар. Туган көн иясенә Россия Президентының котлау открыткасын, район җитәкчесенең Рәхмәт хатын, истәлек бүләге тапшырдылар.