Уен-викторина: «Туган якны беләсеңме?»

2024 елның 25 гыйнвары, пәнҗешәмбе

25 январьдә, «Пушкин картасы» проекты кысаларында, Манзарас авылының С.А. Әхтәмов исемендәге мәктәпнең 11 сыйныф укучылары өчен, китапханәче Саттарова Л. Р. «Туган якны беләсеңме?» исемле уен-викторина үткәрде. Чара башында алып баручы туган ягыбыз Кукмара, аның байлыгы, табигате турында сөйләде, безнең төбәкне данлаган танылган кешеләрнең биографиясе белән таныштырды. Аннары катнашучылар, ике командага бүленеп, бер-берсе белән ярыштылар. Һәр команданың бурычы-мөмкин кадәр күбрәк балл җыю. Иң күп балл җыйган команда җиңүче дипломы, ә икенче команда актив катнашкан  өчен грамотасы белән бүләкләнде.