ЯҢАЛЫКЛАР

Кукмара районында «ЗамаКод» республика олимпиадасы узды. 100 дән артык яшь программист көч сынашты. Җиңүчеләрне район башлыгы Сергей Димитриев һәм проект нигезләүчесе Азиз Замалиев бүләкләде.

Язгы чисталык марафонына «КВВК» АҖ, Кукмара РУЭС, «Инженер челтәрләре» ҖЧҖ, 4нче һәм 9нчы балалар бакчалары коллективлары кушылды. Район уңайлыгына керткән өлеш өчен һәркемгә рәхмәт!

Район Советы, Башкарма комитет, Үзәк китапханә һәм РМЙ коллективлары чистарту эшләренә чыкты. Чисталык һәм тәртип берләштерә — «Экология язгы» икеайлыгына кушылыгыз!

17 апрельдә, «Пушкин картасы» проекты кысаларында, хезмәт күрсәтү бүлеге китапханәчесе Саттарова Л.Р, К.Ф. Шакиров исемендәге Зур Сәрдек гимназиясенең 9  сыйныф укучылары өчен, «Туган төбәгемнең гүзәл сурәте» исемле туган якны өйрәнү сәгате үткәрде. Әлеге чара барышында укучылар туган як тарихы, Кукмара тарихы белән бәйле кызыклы фактлар белән таныштылар. Кукмара турындагы викторина сорауларына җавап бирделәр, кроссворд чиштеләр.Туган як табигате белән бәйле сорауларга җавап бирделәр, ребуслар чиштеләр.

Татарстан Республикасы территориясендә метеорологик күренешләрнең интенсивлыгы турында консультация-кисәтү.

17-18 апрель көннәрендә Кукмарада һәм район буйлап гомумхалык субботниклары узачак. Парклар, скверлар, ишегаллары һәм подъездлар — һәр почмак чисталыкка һәм уңайлыкка лаек. Гаиләләрегез һәм коллективларыгыз белән килегез!

Бөек татар шагыйре Габдулла Тукай иҗатына багышланган акциядә катнашучыларга нәтиҗәләрне игълан итәбез. Быел конкурста республикабызның төрле почмакларыннан килгән сәләтле укучылар катнашты, алар шагыйрь мирасына хөрмәт һәм туган телгә мәхәббәт күрсәттеләр.

7–13 яшь категориясендә җиңүчеләр һәм призёрлар:

Гран-при — Хәбибрахманова Сафина.

1 урын — Мөхәммәтҗанов Искәндәр, Руфин Әмир.

2 урын — Хәзиәхмәтов Әмир, Сөләйманова Зилә.

3 урын — Җиһаншина Зинирә.

14–35 яшь категориясендә жюри түбәндәге конкурсантларны билгеләде:

1 урын — Хабибрахманова Айгөл,Залялиева Камилә, Сибгатуллин Илназ, Низамутдинова Йолдыз.

2 урын — Хәбибрахманова Айгөл, Яппаров Айзилә.

3 урын — Закирова Дилбәр.

Барлык җиңүчеләрне һәм призёрларны котлыйбыз! Катнашкан һәркемгә ихласлык, артистлык һәм Тукай сүзләренә сакчыл карашлары өчен рәхмәт белдерәбез. Яңа иҗади уңышлар, илһам һәм якты җиңүләр телибез!

ЭКОяз-2026

Киңәйтелгән утырышта төрле өлкә вәкилләре бүләкләнде. Алар арасында — укытучылар, тәрбиячеләр, китапханәчеләр, төзүчеләр, спортчылар һәм тренерлар. Югары бүләкләргә районны бөтенроссия һәм республика дәрәҗәсендә данлаучылар лаек булды.

Сергей Димитриев районның төп төзелешләрен: Манзарас авылындагы гимназияне, район Мәдәният йортын, 2нче һәм 4нче мәктәпләрне, Ринат Мөхәммәтшин исемендәге стадионны һәм яшь тамашачы театрын тикшерде. Эшләр системалы, халык өчен йомгак нәтиҗәне аңлап алып барыла.