ЯҢАЛЫКЛАР

Бүген Казан шәһәренең  Агропромышленность паркында авыл хуҗалыгы товарларын сату ярминкәсе үтте.

Казан Мәдәният һәм сәнгать университетында “Этномириада” дигән Халыкара конкурс-фестиваль узды. Әлеге чарада кукмаралылар да актив катнашты. Кукмара балалар сәнгать мәктәбенең Ләйлә Низамова җитәкчелегендә шөгыльләнүче укучыларның эшләре беренче дәрәҗә лауреат исеменә лаек булды. Сәнгать бүлегенең яшь белгече Гөлнур Исхакова исә әлеге фестивальдән өченче дәрәҗә лауреат исеме белән кайтты. Аерым башкаручыларның да уңышлары сөенерлек. Илназ Гыйльметдинов “Вокал-соло” номинациясендә – дипломант, Ирек Хаммадиев икенче дәрәҗә лауреат булдылар.

 22 октябрь көнне Кукмара районы ЗАГС бүлегендә 14 яше тулган яшь гражданнарга паспорт тапшыру тантанасы булды. 17 кыз  һәм егеткә паспортларны район Советы аппараты җитәкчесе Резеда Гаянова тапшырды.

 

22 октябрь көнне “Тылсым” үзәгенең социаль-тернәкләндерү бүлегендә ял итүче гражданнар өчен хезмәт терапиясе инструкторы Ленара Шайдуллина, психолог Айгөл Локманова мәдәният һәм ял паркына экскурсия оештырдылар.

 

22 октябрь көнне “Тылсым” халыкка комплекслы социаль хезмәт күрсәтү  үзәгендә  район мәдәният йорты хезмәткәрләре концерт оештырды.  Ильгиз Зарипов, Нәкия Орлова, Руфинә Габдулхаева, Виталий Андреев, Ильнар Камалиев катнашындагы концерт өлкәннәрнең күңеленә хуш килде.

22 октябрь  көнне китапханәсе Нурия Гайнутдинова күппрофильле лицейның 6б сыйныфы укучылары өчен “Этикет  кагыйдәләре” дип аталган турнир үткәрде. Балалар “этикет” сүзенең кайдан килеп чыгуын, аның кагыйдәләрен, хәзерге заманга яраклашуын, ничек үзгәрүе турында өйрәнделәр.   

Поч.Кучукның “Кнавел” мари халык фольклор ансамбле Эстониядә узган “Фин-угор халкы көннәре”ндә катнашып кайтты. Алар Нарва, Раквере, Тарту, Вильянди, Таллин шәһәрләрендә булганнар һәм чыгыш ясаганнар. Шулай ук алар Эстония халкына Кукмара районы турында да сөйләгәннәр, буклетлар, киез итек-киез комбинаты, металл савыт-сабалар заводының сувенирларын таратканнар. Шәһәр идарәсе сәркатибе Антс Лиимест якташларыбызга Рәхмәт хаты һәм сувенирлар бүләк иткән.

“Зилант” спорт мәктәбенең бокс бүлегендә шөгыльләнүче егетләр Алабугада узган XIII Бөтенроссия турнирында катнаштылар. Әнвәр Мамадҗанов җиңүче булды, Вальмир Маннапов – икенче, Рафил Камалов, Адель Юнысов, Әлфир Минибаевлар өченче урыннарны алдылар.

“Зилант” спорт мәктәбенең 2001-2002 елгы кызлардан торган волейбол буенча җыелма командасы Алексеевск шәһәрендә Татарстан Беренчелегендә катнашты һәм ун команда арасында икенче урынны яулады.

20 октябрь көнне  “Тылсым” халыкка комплекслы социаль хезмәт күрсәтү социаль педагогы Д. Мубаракшина балигъ булмаган балалар белән мөселман дин вәкиле З. Низамутдинов белән очрашу оештырды. Очрашу барышында Зиятдин Мухарлямович әхлак тәрбиясенә багышланган әңгәмә үткәрде. “Фотография” дигән видеофильм күрсәтелде.